By Երկիր | Saturday, 04 December 2010
ԵՐԵՒԱՆ, «Երկիր».- Ըստ թրքական «Ճիհան» գործակալութեան, թրքական անվտանգութեան ծառայութեան պատրաստած արձանագրութեան մէջ առկայ է հեռաձայնային խօսակցութեան մը գաղտնի արձանագրութիւնը, ուր «Թուրք վրիժառուներու միութիւն» կազմակերպութեան երկու անդամներու՝ Մութլու Էրտողանի եւ Օնուրի, միջեւ 2009ի Մարտ 22ին տեղի ունեցած խօսակցութենէն պարզ դարձած է, թէ անոնք մահափորձ մը կը ծրագրէին ՀՅԴ կուսակցութեան հայաստանեան բարձրաստիճան ներկայացուցիչի մը դէմ:
«Տեղեկութիւն կայ, թէ որոշ ժամանակ առաջ, Հայաստանէն Թուրքիա ժամանած է Դաշնակցութիւն կուսակցութեան քաղաքական կոմիտէի նախագահը», կ՛ըսէ Օնուր, որուն ի պատասխան, Մութլու Էրտողան նախ կը հայհոյէ, ապա կ՛ըսէ. «Կը հետեւինք, սակայն այս պահուն պէտք է լուռ մնանք. թող քանի մը ամիս անցնի, յետոյ կամաց-կամաց մեր գործին կը սկսինք. կանգ չենք առներ»:
Թրքական անվտանգութեան ծառայութեան աշխատակիցները հեռաձայնային այդ խօսակցութենէն եզրակացուցած են, որ Թուրք վրիժառուներու միութեան անդամները յարձակում կը ծրագրէին հայ քաղաքական գործիչին դէմ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ