By Asbarez | Friday, 14 June 2013
ՊՈԼԻՍ, «Մարմարա».- Թաքսիմի հրապարակին հարցը չէ լուծուած, բայց կը թուի, թէ կողմերը այլեւս մտած են խաղաղ համաձայնութեան ուղի։ Հինգշաբթի, Յունիս 13ին բաւական դրական զարգացում մը արձանագրուեցաւ, երբ վարչապետ Ռեչեփ Թայիփ Էրտողան, որ ամէն օր երկար ժամեր կը տրամադրէ այս հարցին, Հինգշաբթի գիշեր շատ անսովոր ժամու մը՝ ժամը 23:30ին, Անգարայի վարչապետարանին մէջ ընդունեց «Թաքսիմի զօրակցութիւն» խմբակէն պատուիրակութիւն մը, որ այս անգամ իրապէ՛ս կը ներկայացնէր Թաքսիմի ցուցարարները։ Հանդիպումը տեւեց մօտաւորապէս չորս ժամ, եւ արդիւնքը յուսադրիչ էր։
Վարչապետը, որ մէկ օր առաջ Թաքսիմի համար հանրաքուէ առաջարկած էր, Ուրբաթ օր ապահովութիւն տուաւ, որ «Կեզի» հանրապարտէզին մէջ շինարարական որեւէ քայլ պիտի չառնուի, մինչեւ որ այդ մասին դատարանը իր վերջնական որոշումը հաղորդէ։
Կը թուի, թէ Թաքսիմի ցուցարարները գոհ մնացած են Էրտողանի հետ ունեցած իրենց հանդիպումէն, թէեւ անոնք նախապէս կողմնակից չէին եղած հանրաքուէի առաջարկին։ Ցուցարարներու բանբեր մը յայտարարեց, որ կողմերը ներկայիս համաձայնած են երկու կէտերու վրայ. նախ՝ պիտի սպասուի դատարանի վճիռին, ապա՝ իշխանութիւնները պիտի պատժեն այն ոստիկանները, որոնք ժողովուրդին դէմ բռնարարքներու դիմած են։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ