By Asbarez | Thursday, 16 October 2014
ԵՐԵՒԱՆ, «Արմէնփրէս».- Հայաստանի եւրոպացի բարեկամներ կազմակերպութեան աջակցութեամբ, Եւրոպական խորհրդարանին մէջ Հոկտեմբեր 15ին ներկայացուած է Լեռնային Ղարաբաղի խմբակը, որ նպատակ ունի խթանել քաղաքացիական հասարակութեան ու ժողովրդավարական կառավարման համակարգերը, ինչպէս նաեւ՝ եւրոպական արժէքներու տարածումը Արցախի տարածքին:
Հայաստանի եւրոպացի բարեկամներ կազմակերպութեան համաձայն՝ ԵԽ որոշ անդամներ պատրաստակամութիւն յայտնած են անդամակցելու խմբակին, որուն ղեկը պիտի ստանձնէ Ֆրանք Էնկելը։
Եւրոպական քաղաքական ընտանիքի՝ ազգութեամբ տարբեր ներկայացուցիչներէ կազմուած ԼՂ խմբակը պիտի նպաստէ Եւրոմիութեան պաշտօնեաներուն ու այլ կազմակերպութեանց ներկայացուցիչներուն եւ Արցախի միջեւ կապերու հաստատման, միաժամանակ՝ խթանելով ճանաչողական այցերու կազմակերպումը դէպի տարածաշրջան: Ոչ-պաշտօնական խմբակը պիտի զբաղի նաեւ միջազգային խումբերուն եւ ԵՄ ծրագիրներուն մէջ Արցախի ներկայութեան հարցով:
«Այս խմբակը կը միաւորէ տարածաշրջանին հանդէպ գիտելիք ունեցող եւ հետաքրքութիւն ցուցաբերող մարդիկը, որոնք պատրաստ են Ղարաբաղի ժողովուրդին տրամադրութեան տակ ըլլալու։ Կը փափաքինք մարդիկը իրազեկ դարձնել տարածաշրջանին չճանչցուած մէկ հատուածին մասին, որ, ի վերջոյ՝ ժողովրդավար հանրապետութիւն է եւ կը ցուցաբերէ համապատասխան վարքագիծ», նշած է Էնկել:
ԼՂ ներկայացուցիչները ողջունած են այս նախագիծի համագործակցութեան կոչերը:
Նմանատիպ խումբեր կան Ֆրանսայի եւ Լաթվիոյ խորհրդարաններուն մէջ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ