By Asbarez | Tuesday, 19 May 2015
ՍՏԵՓԱՆԱԿԵՐՏ - Լեռնային Ղարաբաղի Հարնապետութեան նախագահի պաշտօնական կայքը կը տեղեկացնէ, որ Մայիս 17ին, նախագահ Բակօ Սահակեանի գլխաւորած պատուիրակութիւնը մեկնած է Ֆրանսա:
Պատուիրակութեան մաս կազմեն արտաքին գործոց նախարար Կարէն Միրզոյեան, առողջապահութեան նախարար Յարութիւն Քուշկեան, նախագահի աշխատակազմի ղեկավարի տեղակալ Դաւիթ Բաբայեան, Ֆրանսայի մօտ ԼՂՀ մշտական ներկայացուցիչ Յովհաննէս Գէորգեան:
Մայիս 18ին Նախագահ Սահակեան այցելած է Ֆրանսայի հարաւ-արեւելեան Տրոմի շրջան եւ Վալանսի մէջ հանդիպած է շրջանային խորհուրդի անդամներուն եւ խորհուրդի նախագահ Փաթրիք Լապոնի հետ:
Հանդիպումին ընթացքին քննարկուած է Տրոմի շրջանի ու Արցախի միջեւ կապերու զարգացման շուրջ որոշ հարցեր: Նոյն ատեն, ստորագրուած են համագործակցութեան պայմանագիրներ՝ Տրոմի շրջանի եւ Արցախի, Վալանս եւ Ստեփանակերտ քաղաքներուն միջեւ:
Արցախի Հանրապետութեան նախագահին շնորհուած է Տրոմի նահանգի պատուաւոր քաղաքացիի կոչում:
Նախագահ Սահակեան կարեւոր նկատած է Տրոմի շրջանի եւ Վալանսի հետ փոխգործակցութիւնը, որ, նախագահի կարծիքով նոր որակ պիտի հաղորդէ երկկողմանի յարաբերութիւններուն:
Հանդիպումին մասնակցած է նաեւ Ֆրանսայի մօտ Հայաստանի Հանրապետութեան արտակարգ եւ լիազօր դեսպան Վիգէն Չիթեչեան:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ