By Asbarez | Thursday, 28 July 2016
ԵՐԵՒԱՆ, <<Արմռատիօ>> - Ռուսական ԹԱՍՍ լրատու գործակալութեան համաձայն՝ ԵԱՀԿի գործող նախագահ, Գերմանիոյ արտաքին գործոց նախարար Ֆրանք Վալթեր Շթայնմայեր Քիշնեւի մէջ հանդիպում ունեցած է Մոլտովիոյ վարչապետ Փաւել Ֆիլիփի հետ, ապա միասնաբար տուած են մամլոյ ասուլիս մը։
Իր խօսքին մէջ Շթայնմայեր անդրադարձած է Մերձտնեսթրի հիմնախնդիրի կարգաւորման վերաբերեալ <<5+2>> ձեւաչափով (Մոլտովիա, Մերձտնեսթր, ԵԱՀԿ, Ռուսիա, Ուքրանիա, Միացեալ Նահանգներ, Եւրոպական Միութիւն) բանակցութիւններու վերսկսման՝ զայն որակելով որպէս հակամարտութեան կարգաւորման ճամբուն վրայ կարեւոր քայլ մը։
<<Միայն պահպանելով Մոլտովիոյ տարածքային ամբողջականութիւնն ու ինքնիշխանութիւնը՝ կարելի է խօսիլ Մերձտնեսթրի կարգավիճակին մասին: Այս է մեր տեսլականը>>, յայտնած է ան։
Ֆրանք Վալթեր Շթայնմայեր ընդգծած է, որ Գերմանիան ԵԱՀԿի մէջ իր նախագահութեան շրջանին որոշած է կեդրոնանալ ԵԱՀԿ տիրոյթի չլուծուած տագնապներու, որոնց կարգին նաեւ ղարաբաղեան ու Մերձտնեսթրի հակամարտութիւններուն վրայ:
<<Կը կարծեմ, թէ Մերձտնեսթրի <<սառեցուած>> հակամարտութիւնը կրնայ արագօրէն վերափոխուիլ <<տաք>> հակամարտութեան: Մենք ատիկա տեսած ենք Լեռնային Ղարաբաղի օրինակով: Կարեւոր է Մոլտովիոյ կայունութեան ապահովումը>>, դիտել տուած է Գերմանիոյ արտաքին գործոց նախարարը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ