By Asbarez | Monday, 25 October 2010
ԵՐԵՒԱՆ.- Հոկտեմբեր 19ին լրագրողներու հետ կայացած զրոյցի մը ընթացքին ԵԽԽՎի մէջ հայաստանեան պատուիրակութեան անդամ, ԱԺ Արտաքին յարաբերութիւններու յանձնաժողովի նախագահ, ՀՅԴ Գերագոյն մարմինի ներկայացուցիչ Արմէն Ռուստամեան յայտարարած է, թէ այն փաստը, որ Հայաստանի իշխանութիւնները չեն խոչընդոտած ընդդիմութեան վարած բողոքի գործողութիւնը կառավարութեան ընդունելութիւններու տան մօտ, ուր կ՛ընթանար Եւրոպայի Խորհուրդի «Ժողովրդավարութիւն յանուն ապագայի» ժողովը՝ դրական կը համարուի։
«Եթէ երկրում կան խնդիրներ, չպէտք է թաքցնել դրանք, եւ այդ իմաստով իշխանութիւնների «բարեհաճութիւնը» ցուցարարների հանդէպ յուսադրող է», նկատել տուած է Ռուստամեան՝ կոչ ընելով զերծ մնալու «քաղբանտարկեալ» հասկացողութենէն, քանի որ ատիկա ոչ թէ քաղաքական, այլ ամբողջութեամբ իրաւական ձեւակերպում մըն է: «Նման տեսակէտ ունի նաեւ Եւրոպայի Խորհուրդը», հաւաստիացուցած է Ռուստամեան:
Ան միաժամանակ նշած է, որ ժողովրդավարութեան իմաստով Հայաստանի մէջ կան շատ լուրջ խնդիրներ: «Օրինակ, Հայաստանում կան մարդիկ, որ իրենց պետութիւնից վեր են դասում, պետութեանը հարկադրում են ծառայել իրենց նպատակներին: Եւ ընդհակառակը, կայ դաս, որը լիովին զրկուած է պետութեան ուշադրութիւնից», ըսած է Ռուստամեան:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ