By Asbarez | Monday, 03 November 2014
ԵՐԵՒԱՆ.– Լեռնային Ղարաբաղի Հանրապետութեան արտաքին գործոց նախարար Կարէն Միրզոյեան Քանատա կատարած աշխատանքային այցելութեան ծիրին մէջ 30 Հոկտեմբերին այցելած է Հայաստանեայց առաքելական Սուրբ եկեղեցւոյ Քանատայի Հայոց թեմի Սուրբ Գրիգոր Լուսաւորիչ եւ Մեծի Տանն Կիլիկիոյ կաթողիկոսութեան Քանատայի թեմի Սուրբ Յակոբ առաջնորդանիստ եկեղեցիները, Սուրբ Յակոբ եւ Ալեք Մանուկեան վարժարանները, հանդիպումներ ունեցած է համայնքային կառոյցներու ներկայացուցիչներուն հետ:
Նոյն օրը Մոնթրէալի հայ համայնքի ներկայացուցիչներուն հետ տեղի ունեցած է հանրային հանդիպում, որուն ընթացքին արտաքին գործոց նախարարը պատասխանած է ներկաներու բազմաթիւ հարցումներուն՝ Արցախի մէջ տեղի ունեցող զարգացումներուն, առկայ խնդիրներուն, մարտահրաւէրներուն, անոնց լուծման ուղիներուն եւ անկախութեան տասնամեակներուն ընթացքին Լեռնային Ղարաբաղի ունեցած ձեռքբերումներուն վերաբերեալ:
31 Հոկտեմբերին Կարէն Միրզոյեան հանդիպում ունեցած է Քեպեքի նահանգային խորհրդարանի շարք մը անդամներու հետ: Ան ներկայացուցած է ատրպէյճանական-ղարաբաղեան հակամարտութեան կարգաւորման գործընթացին ներկայ հանգրուանը, Լեռնային Ղարաբաղի դիրքորոշումն ու մօտեցումները կարգաւորման հարցին առնչութեամբ, անդրադարձ կատարուած է Արցախի մէջ ընթացող ժողովրդավարական պետականաշինութեան գործընթացներուն եւ այդ ուղղութեամբ արձանագրուած ձեռքբերումներուն: Միտքեր փոխանակուած են նաեւ համագործակցութեան հաւանական եղանակներուն ու ձեւերուն մասին:
Այսպիսով Կարէն Միրզոյեան աւարտած է Քանատա կատարած իր այցելութիւնը։
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ