By Asbarez | Monday, 02 February 2015
ԵՐԵՒԱՆ, <<Արմէնփրէս>>.– Հայաստանի Հանրապետութեան Ազգային ժողովին մէջ պիտի կազմուի խորհրդարանականներու խումբ մը, որ պիտի մեկնի Լեռնային Ղարաբաղի Հանրապետութիւն՝ տեղւոյն իշխանութիւններուն հետ Բերձորի միջադէպը քննարկելու համար:
Լրագրողներուն հետ ունեցած զրոյցին ընթացքին այս մասին յայտնած է Ազգային ժողովի նախագահ Գալուստ Սահակեանը: <<Ես զրուցել եմ Լեռնային Ղարաբաղի Հանրապետութեան նախագահի եւ Ազգային ժողովի նախագահի հետ: Այնտեղ մեր պատգամաւորները կ՛արժանանան պատշաճ ընդունելութեան, կը ստանան իրենց յուզող հարցերի պատասխանները>>, նշած է Սահակեան՝ աւելցնելով, որ խումբին մէջ պիտի ներառուին իւրաքանչիւր խմբակցութենէ մէկական ներկայացուցիչ:
Գալուստ Սահակեան նաեւ տեղեկացուցած է, որ քննարկման ընթացքին ընդդիմադիր պատգամաւորները առաջարկած են ստեղծել Ազգային ժողովի ժամանակաւոր յանձնաժողով, որ այդ հարցով պիտի զբաղի: <<Ես ժամանակաւոր յանձնաժողովի ստեղծումը նպատակայարմար չեմ համարում: Մենք ունենք միջխորհրդարանական յանձնաժողով, որի շրջանակներում էլ կը ձեւաւորուի խումբը>>, դիտել տուած է Գալուստ Սահակեան:
Ազգային ժողովի նախագահը նաեւ յայտնած է, որ Բերձորի միջադէպի գծով հետապնդում կը կատարէ նաեւ Լեռնային Ղարաբաղի Հանրապետութեան դատախազութիւնը:
Բերձորի մէջ տեղի ունեցած միջադէպին մանրամասնութիւնները Լեռնային Ղարաբաղի իշխանութիւններուն հետ քննարկելու համար պատգամաւորական խումբ ձեւաւորելու առաջարկով հանդէս եկած էր Ազգային ժողովի ՀԱԿ խմբակցութեան պատգամաւոր Նիկոլ Փաշինեան:
comments
ARF AU Statement: In solidarity with Tavush
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ