Նախագահ Սահակեան ընդունած է Ազգային-Ազատագրական Շարժման խումբ մը գործիչներ

By Asbarez | Friday, 13 February 2015

 

 

ԵՐԵՒԱՆ, <<Արմէնփրէս>> Լեռնային Ղարաբաղի նախագահ Բակօ Սահակեան 13 Փետրուարին ընդունած է ղարաբաղեան ազգային-ազատագրական շարժման խումբ մը գործիչներ:

Լեռնային Ղարաբաղի նախագահի աշխատակազմի տեղեկատուութեան եւ հասարակութեան հետ կապերու վարչութեան համաձայն՝ հանդիպման ընթացքին քննարկուած են Ղարաբաղի մէջ պետականաշինութեան գործընթացին, ներքին եւ արտաքին քաղաքականութեան վերաբերող շարք մը հարցեր:

Սահակեան կարեւոր նկատած է շարժման վեթերաններուն հետ հանդիպումները եւ տարբեր հարցերու քննարկումը՝ նշելով, որ անոնց տեսակէտները եւ առաջարկները միշտ հետաքրքրական եւ օգտաշատ են։

 


comments