Շաբաթ, 28 Նոյեմբեր եւ Եկուշաբթի 30 Նոյեմբեր 2015 երեկոյեան 15 նորագիրներ տուին իրենց դաշնակցականի երդումը եւ միացան ՀՅԴ-ի Աւստրալիոյ կազմակերպութեան շարքերուն:
Բարի գալուստի խօսք արտասանելէն ետք ՀՅԴ «Դրօ» Կոմիտէի ներկայացուցիչ ընկեր Հայկ Գայսէրեան ներկայացուց նորագիրները, ապա հրաւիրեց երդման արարողութեան: Օրուան կնքահայրն էր ՀՅԴ Արցախի ԿԿ ներկայացուցիչ, ԼՂՀ խորհրդարանի անդամ ընկեր Դաւիթ Իշխանեան:
Ընկեր Իշխանեան խօսքը ուղելով նորագիրներուն ըսաւ «Այսօր ձեր կեանքին մէջ նոր հանգրուան մը պիտի սկսի: Այս հանգրուանին մէջ դուք ձեր կարելին պիտի ընէք ծառայելու հայ ժողովուրդին եւ անոր արդար դատի լուծման:»
Ընկեր Դաւիթ Իշխանեան աւարտեց խօսքը նորագիրներուն մաղթելով յաջողութիւն, բարի եւ անխափան երթ` ապագայ գործունէութեան եւ արդիւնաւէտ աշխատանքներուն: