Փաշինեան Թուրքիոյ Հետ Հայաստանի Յարաբերութիւններու Բարելաւման Հիմքեր Չի Տեսներ

By Asbarez | Monday, 04 March 2019

0302pashinian1

ՍՊԱՀԱՆ.- Հայաստանի վարչապետ Նիկոլ Փաշինեան Իրան այցելութեան ընթացքին անդրադարձաւ Թուրքիոյ հետ յարաբերութիւններուն: Իրանահայ համայնքի ներկայացուցիչներուն հետ հանդիպման ընթացքին Նիկոլ Փաշինեան յայտնեց, որ Հայաստան-Թուրքիա յարաբերութիւններու կարգաւորման համար լաւատեսութեան հիմքեր չի տեսներ:

«Թուրքիոյ իշխանութիւններուն դիրքորոշումը որեւէ կարելիութիւն չի թողուր հայ-թրքական յարաբերութիւններու մասին լրջօրէն խօսելու», ըսաւ Փաշինեան:

Թրքական զանգուածային լրատուութեան միջոցներու մօտ ալ արձագանգ գտան Նիկոլ Փաշինեանի այս վերջին յայտարարութիւնները, որոնց մէջ ան կ՛ըսէ հետեւեալը. «Թուրքիա շարունակաբար մեր երկկողմանի յարաբերութիւնները կը կապէ Արցախի հարցին, այսինքն՝ Հայաստան-Արցախ-Ատրպէյճան յարաբերութիւններուն: Հետեւաբար, որովհետեւ տակաւին իրավիճակը այսպէս է, դժբախտաբար, մենք լաւատեսութեան հիմք չենք կրնար ունենալ: Թէեւ մենք ըսած ենք եւ կ՛ըսենք, որ պատրաստ ենք առանց նախապայմաններու այդ յարաբերութիւնները քննարկելու, բայց այս կը նշանակէ, որ Թուրքիա նոյնպէս պէտք չէ ունենայ նախապայմաններ, իսկ այսօր անիկա ունի նախապայման, որ կապուած է Արցախի հարցին հետ»:

Փաշինեան նշեց, որ Հայաստանի իշխանութեան համար չափազանց կարեւոր է Ցեղասպանութեան միջազգային ճանաչման հարցը:

«Բայց հիմա հարց կրնայ յառաջանալ՝ դուք կ՛ըսէք պատրաստ էք առանց նախապայմաններու յարաբերութիւններու, Թուրքիան կը մեղադրէք նախապայման ունենալուն մէջ, կը յիշատակէք Ցեղասպանութիւնը, արդեօք ասիկա նախապայման չէ՞: Մենք շատ յստակ կերպով կ՛ըսենք, որ Ցեղասպանութեան միջազգային ճանաչման հարցը ո՛չ թէ Հայաստանի եւ Թուրքիոյ յարաբերութիւններու հարցն է, այլ՝ ցեղասպանութիւններու դէմ պայքարի եւ համաշխարհային անվտանգութեան օրակարգի հարց մըն է եւ Հայոց Ցեղասպանութեան միջազգային ճանաչման հետապնդումը մենք կը համարենք մեր ներդրումը համաշխարհային անվտանգութեան եւ ցեղասպանութիւններու դէմ համաշխարհային պայքարի հարցին մէջ: Մենք պիտի շարունակենք հետապնդել Հայոց Ցեղասպանութեան ճանաչումը», ըսաւ Փաշինեան:

comments

More headlines

Մնացականեան - Արցախին` Բանակցութիւններու Սեղան Վերադարձը Չի Կրնար Զանոնք Փակուղի Տանիլ

Ահաբեկչական Յարձակումին Առիթով. Նախագահ Սարգսեան Ցաւակցական Հեռագիր Յղած Է Նոր Զելանտայի Կառավարիչ Փաթսի Ռետիին

Եթէ Պաքու Եւ Երեւան Համաձայնին, Մոսկուա Պիտի Ողջունէ Արցախի Ներգրաւումը Բանակցութեանց

Գերագոյն Հոգեւոր Խորհուրդը Աւարտեց Իր Աշխատանքները

ՀՅԴ Գերագոյն Մարմինի Յանձնախումբը Հանդիպում Ունեցաւ Եւրոպայի Հայ Դատի Յանձնախումբին Հետ

Հայաստանի Ազգային Անվտանգութեան Խորհուրդը Արցախի Մէջ Արտահերթ Նիստ Պիտի Գումարէ

Միջնորդները Բացել Են Փակագծերը Եւ Յիշեցրել Հիմնական Սկզբունքները

Փաշինեան. Պէտք Է Շարունակենք Հայոց Ցեղասպանութեան Միջազգային Ճանաչման Ուղղուած Քաղաքականութիւնը

Ատրպէյճան Ոչ Մէկ Քայլի Ձեռնարկած Է Իր Բնակչութիւնը Խաղաղութեան Պատրաստելու Համար. Շաւարշ Քոչարեան

ՀՅԴ Բիւրոյի Ներկայացուցիչները Հանդիպում Ունեցան Գարեգին Բ. Կաթողիկոսին Հետ

Advertisement