By Asbarez | Thursday, 01 October 2020
ԵՐԵՒԱՆ, «Արմէնփրէս».- 1 Հոկտեմբերին, Հայաստանի պաշտպանութեան նախարար Դաւիթ Տօնոյեան ընդունեց Հայաստանի մօտ Ֆրանսայի արտակարգ եւ լիազօր դեսպան Ճոնաթան Լաքոթը։
Հայաստանի պաշտպանութեան նախարարը դեսպանին տեղեկացուց, որ Թուրքիոյ անվերապահ աջակցութեամբ Ատրպէյճանի նախաձեռնած ռազմական գործողութիւններու ծաւալը աննախադեպ է, անոնք կ՛ընթանան շփման գիծի ամբողջ երկայնքով:
Դաւիթ Տօնոյեան ընդգծեց, որ պաշտպանութեան բանակը կը կատարէ իր առջեւ դրուած խնդիրները՝ զարգացնելով յաջողութիւնը եւ զսպելով հակառակորդին սանձազերծած յարձակումները, իսկ ատրպէյճանական զինուած ուժերու նախայարձակ գործողութիւնները շարունակաբար պիտի ստանան կործանարար հարուածներ, եւ այդ գործընթացը արդէն սկսած է։
Դեսպանը իր ցաւակցութիւնը յայտնեց վերջին օրերու մարտական գործողութիւններուն իբրեւ արդիւնք զինուորական եւ քաղաքացիական զոհերուն համար եւ նշեց, որ Ֆրանսա խիստ անհանգստացած է իրավիճակի լարուածութեամբ եւ ուշադրութեամբ կը հետեւի զարգացումներուն։
Հանդիպման ընթացքին համաձայնութիւն ձեռք բերուեցաւ մնայուն կերպով կապի մէջ ըլլալու եւ զարգացումներուն մասին տեղեկատուութիւն փոխանակելու։
comments
«Մաքրոն 9-10 Սեպտեմբերին Պիտի Այցելէ Երեւան Եւ Պաքու» Կ՛ըսէ «Ալֆա Նիուզ»-ի Աղբիւրը
Արցախի Ազգային Ժողովի 4 Խմբակցութիւններ Նախագահի Թեկնածու Առաջադրած Են Սամուէլ Շահրամանեանը
Երեւան-Պաքու Լարուածութիւնը Մագլցում Կ՛արձանագրէ
Ատրպէյճանի Կողմէ Առեւանգուած Երեք Ուսանողները Վերադարձուեցան Հայկական Կողմին
Մաքրոն Մտադիր Է Դիւանագիտական Նոր Նախաձեռնութեան Սկսելով Ուժեղացնել Պաքուի Վրայ Ճնշումը
Ազրպէյճանցիները Բերձորի Միջանցքի Անցակէտին Վրայ Կ՛առեւանգեն Երեք Արցախցի Երիտասարդներ
Ստեփանակերտը Կը Հերքէ Լուրերը Աղտամի Ճանապարհի Վերաբերեալ Որոշում Տալու Մասին
