Թուրքիա-Հայաստան Հանդիպումը 14 Յունուարին

By Asbarez | Tuesday, 11 January 2022




ՊՈԼԻՍ, «Ժամանակ»․- Թուրքիա-Հայաստան յարաբերութիւններու բնականոնացման գործընթացը յառաջիկայ օրերուն գործնական փուլ պիտի թեւակոխէ։ Արդէն յայտնի դարձած է Անգարայի եւ Երեւանի կողմէ նշանակուած յատուկ ներկայացուցիչներուն՝ Սերտար Քըլըչի եւ Ռուբէն Ռուբինեանի առաջին ժամադրութեան թուականը։

14 Յունուարին, Մոսկուայի մէջ տեղի պիտի ունենայ անոնց առաջին տեսակցութիւնը, ինչ որ պաշտօնապէս հաստատուած է երկու մայրաքաղաքներուն կողմէ։

Մինչ այդ, այս հանդիպման ընդառաջ, Թուրքիոյ արտաքին գործոց նախարար Մեւլուտ Չաւուշօղլու հեռաձայնային զրոյցներ ունեցաւ Միացեալ Նահանգներու եւ Ռուսիոյ արտաքին գործոց նախարարներուն հետ։ Ըստ պաշտօնական աղբիւրներու հաղորդումներուն՝ քննարկուած է  հայ-թրքական յարաբերութիւններու բնականոնացման գործընթացը, իսկ Չաւուշօղլու Լաւրովի հետ քննարկած է նաեւ «3+3» ձեւաչափի ընթացքը։

comments

Advertisement