Տողանցենք Միասին

By Homenetmen Australia | Tuesday, 21 April 2015





Սկաուտական տողանցք նուիրուած Ցեղասպանութեան 100 ամեակին:
Հովանաւորութեամբ թեմիս բարեջան առաջնորդ Տէր Հայկազուն Սրբազան Եպս. Նաճարեանի եւ կազմակերպութեամբ ՀՄԸՄ Աւստրալիոյ Շրջանային Վարչութեան Կիրակի 26 Ապրիլ 2015ին առաւօտեան ժամը 9:30էն սկսեալ բոլոր տողանցողները պիտի հաւաքուին Chatswoodի մէջ տեղադրուած անծանօթ զինուորի յուշապարտէզին շուրջ:

Տեղի պիտի ունենայ յարգանքի արարողութիւն Մեր մէկ ու կէս միլիոն նահատակներու անմոռաց յիշատակին: Ապա նուագախումբի ու դրօշակակիրներու եւ սկաուտական ընդհանուր կազմերու առաջնորդութեամբ, տողանցքին մասնակիցները Victoria փողոցի երկայնքին պիտի ուղղուին Macquarie փողոց Հայաստանեաց Առաքելական Սուրբ Յարութիւն եկեղեցի ուր պատշաճ յայտագիրի մը գործադրութեամբ մեր ուխտի եւ յարգանքի բաժինը պիտի արձանագրենք:

Հայրենակիցներ ամէն տարիքի հայորդիներ, միացէ'ք մեզ՝ ՀՄԸՄ ուխտեալ սերունդին, յիշենքյ, յիշեցնենք եւ պահանջենք մեր սուրբ նահատակներու անժամանցելի կտակը եւ պատգամենք <<Այսքան չարիք չեն մոռացած Ձեր որդիք...>>:

Բարձրացիր Բարձրացուր

ՀՄԸՄ Աւստրալիոյ Շրջանային Վարչութիւն

comments

Advertisement