facebook twitter links
May 28 2017 | 8:27pm AET

VIDEO Կոչ Աւստրալահայութեան.- Մասնակցինք Արդարութեան Տողանցքին, Կիրակի Ապրիլ 23-ին

Source: armenia.com.au | Wednesday, 19 April 2017
Email  |  Print 

Սիտնի.- Հովանաւորութեամբ Հայոց Ցեղասպանութեան 102-րդ ամեակի ոգեկոչման կեդրոնական յանձնախումբին եւ կազմակերպութեամբ ՀՅԴ Աւստրալիոյ Կեդրոնական Կոմիտէի եւ անոր ուղեկից միութիւններուն՝ ՀՄԸՄ, Համազգային, ՀՕՄ, Աւստրալիոյ Հայ Դատի յանձնախումբին, ՀՅԴ Աւստրալիոյ Երիտասարդական Միութեան եւ Արմենիա Մետիա Մամլոյ եւ Տեղեկատուական Ընկերակցութեան, Կիրակի 23 Ապրիլ, 2017-ին տեղի պիտի ունենայ «Արդարութեան Տողանցք»-ը:

Այս առընչութեամբ, Աւստրալահայ գաղութի ղեկավար դէմքերը Արմենիա Մետիայի միջոցաւ կոչ կ'ուղղեն գաղութի զաւակներուն աշխուժօրէն մասնակցելու «Արդարութեան Տողանցք»-ին:

Տողանցքը սկիզբ պիտի առնէ Սիտնիի նշանաւոր Hyde Park հանրային պարտէզէն եւ պիտի ուղղուի Botanical Gardens անցնելով Նիու Սաութ Ուէլզ նահանգի խորհրդարանին առջեւէն:

Circular Quay-ի մէջ տեղի պիտի ունենայ պատշաճ գեղարուեստական յայտագիր մը:

Փոխադրամիջոցներու մանրամասնութիւնները՝

  1. Արարատ Սկաուտական Սրահ - Quarry Rd Ryde – մեկնում՝ 12:30pm
  2. Հայ Առաքելական Սբ. Յարութիւն Եկեղեցի - 10 Macquarie Street Chatswood - մեկնում՝ 1:00pm
  3. Հայ Մշակութային Կեդրոն - 259 Penshurst Street Willoughby - մեկնում՝ 1:00pm
  4. Smithfield-ի Սկաուտական Սրահ - 1 Rowley Street Smithfield - մեկնում՝ 12:15pm


Փոխադրակարքերը պիտի վերադառնան նոյն վայրերը ժամը 4:30-ի շուրջ: