By armenia.com.au | Sunday, 29 December 2019
ԵՐԵՒԱՆ.- Կազմակերպութեամբ ՀՅԴ Բիւրոյի Երիտասարդական գրասենեակին, 5-7 Դեկտեմբեր 2019-ին, Երեւանի «Արամ Մանուկեան» կեդրոնէն ներս, տեղի ունեցաւ ՀՅԴ Երիտասարդական-Ուսանողական միութիւններու համահայկական խորհրդաժողովը: Խորհրդաժողովին ներկայ էին 20 երկիրներէ 44 ներկայացուցիչներ: Աւստրալիոյ շրջանէն վերոյիշեալ խորհրդաժողովին իր մասնակցութիւնը բերաւ, Հ.Յ.Դ. Աւստրալիոյ Երիտասարդական Միութեան Կեդրոնական Վարչութեան անդամ՝ Ֆրանսուա Փամպուքեան:
Խորհրդաժողովին հիմնական նպատակն էր՝ քննել եւ հաստատել երիտասարդական-ուսանողական միութիւններու վերամշակուած հայեցակարգը, ռազմավարութիւնն ու գործառոյթները:
Խորհրդաժողովը իր օրակարգերուն վրայ քննարկեց Հայաստանի, Արցախի, Ջաւախքի եւ Սփիւռքի երիտասարդութեան առնչուող հարցերը:
comments