By Asbarez | Friday, 30 November 2018
ԱՆԳԱՐԱ.- Թուրքիոյ քրտամէտ ժողովուրդներու ժողովրդավարական կուսակցութեան (HDP) անդամ, Տիգրանակերտէն ընտրուած Թուրքիոյ խորհրդարանի հայ երեսփոխան Կարօ Փայլան խորհրդարանին մէջ ելոյթ ունենալով՝ դարձեալ անդրադարձաւ Վանի Էդրեմիթ (Արտամէտ) շրջանի հայկական գերեզմանատան պղծման հարցին:
Խորհրդարանին մէջ տեղի ունեցած ծրագրաւորման եւ պիւտճէի քննարկումներուն ընթացքին ելոյթ ունեցած հայ պատգամաւորը, անգամ մը եւս բոլորին յիշեցուց, որ հայկական գերեզմանատան վրայ կառուցուած արտաքնոցը չէ կազմաքանդուած՝ հակառակ անոր, որ նախկին զբօսաշրջութեան եւ մշակոյթի նախարարը հրահանգած էր քանդել զայն:
«Մշակոյթի նախարարին ըսի, որ Վանի Արտամէտ շրջանին մէջ դրախտային վայր մը կայ, այնտեղ հայկական գերեզմաննոցին վրայ արտաքնոց կառուցած են: Ըսի, որ ատիկա անխղճութիւն է: Նուման Քուրթուլմուշ (մշակոյթի նախկին նախարար-Խմբ.) իսկոյն հրահանգեց, որ քանդեն զայն, սակայն պետական կառավարիչը (Արտամէտի քաղաքապետարանին մէջ պետութեան կողմէ նշանակուած հոգաբարձուն-Խմբ.) ըսաւ՝ «պիտի չքանդուի այդ արտաքնոցը: Ասիկա խի՞ղճ է, արդարութի՞ւն է, իրաւո՞ւնք է: Ոչ մէկ խղճամիտ մարդ չի կրնար ասիկա ընդունիլ: Այդ արտաքնոցը դեռ կանգնած է մարդոց ոսկորներուն վրայ»:
Նշեալ տարածքին վրայ նախապէս եղած է հայկական թաղամաս մը, որ յայտնի էր իբրեւ հանրայայտ հայ նկարիչ Արշիլ Կորքիի ծննդավայր: Թաղամասին հարեւանութեամբ գտնուող հայկական գերեզմանատունը անարգուած է, կատարուած կառուցապատումներուն պատճառով բազմաթիւ մարդոց ոսկորները դուրս եկած են հողէն եւ աջ ու ձախ ցրուած», յայտարարեց Փայլան:
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian