By Asbarez | Friday, 10 May 2019
Այսօր, երբ Արամ Ա. կաթողիկոսին նախագահութեամբ Անթիլիասի Մայրավանքին մէջ կը գումարուին Ազգային Կեդրոնական վարչութեան Կրօնական ու Քաղաքական ժողովներու լիագումար նիստերը, յանուն մեր Ս. Աթոռի թեմերու ժողովուրդին, ջերմօրէն կ՛ողջունենք Շուշիի ազատագրումը, 8 Մայիս 1992ին:
Արդարեւ, պատմական ու ռազմավարական եզակի կարեւորութիւն ունեցող դէպք մըն էր Շուշիի ազատագրումը: Արցախի արի ժողովուրդը իր հաւաքական հաւատքով ու կամքով վերատիրացաւ իր բռնաբարուած իրաւունքին, իր պապերու աղօթքով ու արիւնով շաղախուած հայրենի հողին:
8 Մայիս թուականը յաղթանակի ու ցնծութեան օր է: Անիկա պէտք է դառնայ նաեւ յանձնառութեան եւ ուխտի վերանորոգման օր:
Արցախի մեր ժողովուրդը պէտք է ամրօրէն կառչած մնայ ծով զոհողութեամբ վերատիրացած իր ինքնորոշման իրաւունքին՝ առաւել ծաղկեցնելով եւ հզօրացնելով Արցախը:
Արցախի քաջ բանակը վստահաբար պիտի շարունակէ իր հայրենի հողին արթուն պահապանը եւ հզօր պաշտպանը մնալ:
Հայ ժողովուրդը, յատկապէս Սփիւռքը կոչուած է իր անվերապահ զօրակցութիւնը գործնապէս արտայայտելու Արցախի նկատմամբ:
Այս առիթով, Մեծի Տանն Կիլիկիոյ կաթողիկոսութիւնը կը վերահաստատէ իր ամբողջական յանձնառութիւնը՝ մասնակից դառնալու Արցախի հզօրացման հրամայական գործին:
Փա՜ռք Շուշիի ազատագրութեան ճանապարհին իրենց արիւնը թափած մեր հերոսներուն:
Պատի՜ւ Արցախի անվտանգութիւնը ու անկախութիւնը պաշտպանող հայոց բանակին:
8 Մայիս 2019
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian