By Asbarez | Wednesday, 11 July 2012
ԵՐԵՒԱՆ.- Չորեքշաբթի, Յուլիս 11ին լրագրողներու հետ հանդիպման ընթացքին, Հայաստանի մօտ Ֆրանսայի արտակարգ եւ լիազօր դեսպան Անրի Ռենօ յայտարարեց, թէ Ֆրանսայի գործող նախագահը հաւատարիմ պիտի մնայ նախընտրական շրջանին ըրած իր յայտարարութիւններուն եւ պիտի վարէ այնպիսի քաղաքականութիւն մը, որ Հայոց Ցեղասպանութեան ժխտումը քրէականացնող օրինագիծը կրկին շրջանառութեան մէջ դրուի:
«Այսօր կը փնտռուին այն բոլոր միջոցները, որոնք պիտի օգնեն այդ օրինագիծը կրկին շրջանառութեան մէջ դնելու: Որքան կը յիշեմ, նախընտրական շրջանին ապագայ նախագահը ըսաւ, որ երկար ժամանակ պիտի չսպասէ, օրինակ՝ մինչեւ իր նախագահական իրաւագիրի աւարտը, որպէսզի շրջանառութեան մէջ դնէ այդ օրինագիծը», ըսաւ դեսպանը, նշելով, թէ իրեն համար ի պաշտօնէ կարեւոր են միայն Ֆրանսայի մէջ նախագահի մակարդակով եղած յայտարարութիւնները:
«Էլիզէեան պալատը կը խորհի այն եղանակներուն մասին, թէ ի՞նչ կերպով օրինագիծը կարելի է կրկին վերադարձնել խորհրդարան: Ատիկա կը կատարուի առանց այս կամ այն երկրի ազդեցութեան», ընդգծեց դեսպան Ռենօ՝ աւելցնելով. «Ասիկա Ֆրանսայի նախաձեռնութիւնն է: Հայոց Ցեղասպանութեան ժխտման քրէականացումը նուրբ հարց է, քանի որ Ֆրանսայի մէջ կ՛ապրին ցեղասպանութենէն փրկուած հայեր»:
comments
Կոչ Հայութեան ու Հայրենիքի Իշխանութեան
Australia Live by Armenia Media: Dr Hrayr & Arda Jebedjian
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan