By Asbarez | Tuesday, 18 September 2012
ԵՐԵՒԱՆ, «Արմէնփրէս».- Ֆրանսահայեր, Ատրպէյճանի նախագահ Իլհամ Ալիեւի Ֆրանսա կատարած այցելութեան դէմ Երեքշաբթի, Սեպտեմբեր 18ին բողոքի ցոյց մը կատարեցին Փարիզի մօտ Ատրպէյճանի դեսպանատան առջեւ:
Ֆրանսայի հայկական համայնքի ներկայացուցիչ Արա Թորանեան կը տեղեկացնէ, որ ցոյցի սկիզբը դեսպանատան առջեւ հաւաքուած էին մօտաւորապէս 300 ցուցա-րարներ, սակայն կ՛ակնկալուի, որ անոնց թիւը բազմանայ:
«Մենք դէմ ենք Ալիեւին: Ան իսկական մենատէր մըն է եւ մենք կը պայքարինք մինչեւ որ վերականգնին հայերու իրաւունքները՝ Լեռնային Ղարաբաղի հիմնախնդիրին շուրջ», ըսաւ Թորանեան:
Ցուցարարները իրենց վրդովմունքը յայտնած են նաեւ Հունգարիոյ կողմէ Պաքուին արտայանձնուած մարդասպան Ռամիլ Սաֆարովի ներում շնորհելու կապակցութեամբ, եւ կոչ ըրած են Ֆրանսայի նախագահին, որ կարելին ընէ արդարութիւնը վերականգնելու համար:
Ֆրանսահայերը կ՛ընդգծեն, որ Ատրպէյճանի «սաֆարովեան քաղաքականութիւնը» կը հակասէ եւրոպական արժէքներուն ու մարտահրաւէր է հայ ժողովուրդի ազատ ապրելու իրաւունքին, եւ այդ պատճառով ալ կը պահանջեն, որ Սաֆարով շարունակէ իր պատիժը կրել՝ միջազգային վերահսկողութեան տակ:
comments
Կոչ Հայութեան ու Հայրենիքի Իշխանութեան
Australia Live by Armenia Media: Dr Hrayr & Arda Jebedjian
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan