By Asbarez | Friday, 12 October 2012
ԵՐԵՒԱՆ, «Արմէնփրէս».- Հալէպի հայկական եւ քրիստոնէական թաղամասերուն մէջ իրավիճակը հանդարտ է, վերջին օրերուն կրակոցներու ձայներ չեն լսուիր. այս մասին հաստատած է Բերիոյ թեմի Ազգային առաջնորդարանի բանբեր Ժիրայր Ռէյիսեանը՝ յոյս յայտնելով, որ իրավիճակը այդպէս ալ կը շարունակուի:
Անդրադառնալով Հալէպի հայկական Նոր Գիւղ թաղամասին մէջ արձակազէնի փամփուշտով վիրաւորուած հայերու առողջական վիճակին՝ Ռէյիսեան նշած է, որ վիրաւորները բժիշկներու խիստ հսկողութեան տակ կը գտնուին եւ անոնց վիճակը կայուն է:
Նշենք, որ 10 Հոկտեմբերին արձակազէնի կրակոցէն վիրաւորուած էր Հալէպի Նոր Գիւղի բնակիչ՝ 35ամեայ Գէորգ Թալշեանը: Հոկտեմբեր 11ին եւս արձակազէն մը կրակած էր 25ամեայ Յովիկ Թամփալեանի վրայ:
Ժիրայր Ռէյիսեան 11 Հոկտեմբերի երեկոյեան յայտնած էր, որ արձակազէն մը սպաննած էր հայազգի Ժան Թահհանը:
Սուրիական «Սանա» լրատու գործակալութեան համաձայն՝ Հալէպի Քարամ Ժապալ շրջանին մէջ կառավարական ուժերուն հետ բախումներու ընթացքին տասնեակ զինեալներ սպաննուած են, նաեւ խորտակուած են անոնց ինքնաշարժները եւ զինապահեստանոցը:
comments
Կոչ Հայութեան ու Հայրենիքի Իշխանութեան
Australia Live by Armenia Media: Dr Hrayr & Arda Jebedjian
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan