By Asbarez | Tuesday, 18 December 2012
ԵՐԵՒԱՆ, «Արմէնփրէս».- Չինաստանի մօտ Հայաստանի դեսպանութեան մէջ Հինգշաբթի, Դեկտեմբեր 13ին տեղի ունեցած է ֆրանքոֆոնիի (ֆրանսախօս երկիրներու) շրջագիծէն ներս կայացած Չինաստանի մէջ ֆրանսերէն լեզուի տարուան փակման առիթով Պէյճինկ ժամանած Շարլ Ազնաւուրի հանդիպումը այնտեղ բնակող հայութեան հետ:
ՀՀ արտաքին գործոց նախարարութեան մամլոյ, տեղեկատուութեան եւ հասարակայնութեան հետ կապերու վարչութենը կը տեղեկացնէ, թէ ձեռնարկին մոտաւորապէս 60 հայերու հետ ներկայ գտնուեցան նաեւ «Համաշխարհային մտաւոր խաղերուն» մասնակցելու նպատակով Չինաստան գտնուող հայ ճատրակի վարպետներ Լեւոն Արոնեանը եւ Էլինա Դանիէլեանը:
Ողջունելով ներկաները, Չինաստանի մօտ ՀՀ դեսպան Արմէն Սարգսեան Ազնաւուրին պատմած է Պէյճինկ բնակող փոքրաթիւ հայ համայնքի մասին, ապա ներկաները հարցումներ են ուղղած են իրենց մեծանուն հայրենակցին:
Հանդիպման ընթացքին Շարլ Ազնաւուր պատմած է իր կեանքէն կարգ մը դրուագներ եւ պատմած տարբեր ժամանակաշրջաններու յայտնի դէմքերու հետ ունեցած հանդիպումներուն մասին:
Կարեւորելով հայապահպանման խնդիրները՝ ան յորդորած է երիտասարդներուն երբեք չկտրուել արմատներէն: «Ատիկա է ուժ եւ կորով տուողը աշխարհի տարբեր երկիրներու մէջ յայտնուած հայերուն», ըսած է Շարլ Ազնաւուր:
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian