By Asbarez | Monday, 08 April 2013
ԵՐԵՒԱՆ, «Արմէնփրէս».– Հալէպի հայկական թաղամասերուն մէջ նախորդ երկու օրերուն թէեւ որեւէ դէպք չէ արձանագրուած, սակայն մնայուն կերպով սպասողական, անորոշ եւ անապահով վիճակ կը տիրէ, ինչ որ կը շարունակէ անհանգստացնել բնակիչները։ «Արմէնփրէս»ին հետ ունեցած զրոյցին ընթացքին այս մասին յայտնած է Բերիոյ թեմի Ազգային առաջնորդարանի բանբեր Ժիրայր Ռէյիսեանը:
«Երբեք չես գիտնար, թէ իրավիճակը ինչպէս կրնայ փոխուիլ, եւ յանկարծ ի՛նչ անակնկալներ կրնան պատահիլ», յայտնած է Ժիրայր Ռէյիսեան՝ աւելցնելով, որ քաղաքը ներկայիս համեմատաբար աւելի երկար ատեն ելեկտրականութիւն կ՛ունենայ։
Բերիոյ թեմի ազգային առաջնորդարանի բանբերը դիտել տուած է, որ ռմբակոծումները եւ բախումները կը շարունակուին Շէյխ Մաքսուտ թաղամասին մէջ, ինչպէս նաեւ օդակայանի ճամբուն վրայ։ Իսկ Շէյխ Թահա շրջանին մէջ, ուր եւս բաւական մեծ թիւով հայեր կան, արձանազէնները մեծ վտանգ կը ներկայացնեն բնակիչներուն համար, այն աստիճան, որ անոնք իրենց տուներէն դուրս չեն ելլեր։
Հալէպի մէջ շաբաթներ առաջ առեւանգուած հայերուն մասին խօսելով՝ Ռէյիսեան դիտել տուած է, որ ցաւ ի սիրտ, անոնց մասին տեղեկութիւն չկայ։
comments
Կոչ Հայութեան ու Հայրենիքի Իշխանութեան
Australia Live by Armenia Media: Dr Hrayr & Arda Jebedjian
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan