By Asbarez | Wednesday, 16 April 2014
ԵՐԵՒԱՆ, «ՓանԱրմինիըն».- Կիպրոսի խորհրդարանի նախագահ Եանաքիս Օմիրուն նամակ մը յղած է Եւրոխորհրդարանին, Միջխորհրդարանական միութեան, Միջերկրականի խորհրդարանական վեհաժողովի ու Ուղղափառներու միջխորհրդարանական վեհաժողովի նախագահներուն, Քեսապի մէջ տիրող իրավիճակին մասին: Ըստ պաշտօնական հաղորդագրութեան՝ ուղերձը ուղղուած է՝ Կիպրոսի խորհրդարանի պատգամաւոր, հայ համայնքի ներկայացուցիչ Վարդգէս Մահտէսեանի հետ խորհրդակցութիւններէ ետք:
«Ֆամակուսթա Կազեթ» թերթը կ՛աւելցնէ, թէ իր ուղերձին մէջ Օմիրուն գրած է, որ Քեսապի վրայ յարձակումին ընթացքին, եկեղեցիներու եւ պատմական շինութիւններու պղծում ու աւերում, ինչպէս նաեւ գոյքի թալանում կատարուած է Թուրքիայէն ներխուժած ծայրայեղականներու կողմէ:
Օմիրուն կոչ ըրած է նամակի հասցէատէրերուն, որ իրենց ազդեցութիւնը ի գործ դնեն եւ ճնշում բանեցնեն Թուրքիոյ վրայ՝ վերջ դնելու համար ծայրայեղականներու յարձակումներուն: Ան նաեւ նշած է, թէ բոլոր կողմերը պէտք է աշխատանք տանին, որպէսզի քեսապահայերը ամենականուխ առիթով եւ ապահով կերպով վերադառնան իրենց տուները:
comments
Կոչ Հայութեան ու Հայրենիքի Իշխանութեան
Australia Live by Armenia Media: Dr Hrayr & Arda Jebedjian
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan