By Asbarez | Thursday, 06 November 2014
Անցած շաբաթ օր Փարիզի Սուրբ Յովհաննէս Մկրտիչ առաջնորդանիստ եկեղեցւոյ սրահին Մէջ գումարուած Ֆրանսայի Հայոց թեմի Թեմական պատգամաւորական ժողովին կայացաւ նոր թեմակալ առաջնորդի ընտրութիւնը:
Մայր Աթոռ Սուրբ Էջմիածինի տեղեկատուական համակարգի փոխանցումով՝ առաջադրուած թեկնածուներու եռանուն ցանկէն 54 թեմական պատգամաւորներէն ներկայ 44ը քուէներու մեծամասնութեամբ Ֆրանսայի Հայոց թեմի առաջնորդ ընտրեց Մայր Աթոռ Սուրբ Էջմիածինի միաբան, Մեծն Բրիտանիայի Հայոց թեմի առաջնորդ Վահան եպս. Յովհաննէսեանը:
Գարեգին Բ. Ամենայն հայոց կաթողիկոսին կողմէ ընտրութեան արդիւնքին հաստատումէն ետք Վահան եպիսկոպոս կը ստանձնէ Ֆրանսայի Հայոց թեմի առաջնորդի պաշտօնը:
Վահան եպս. Յովհաննէսեան 51 տարեկան է, ծնունդով Իրաքի մայրաքաղաք Պաղտատէն է: 2009ի
Դեկտեմբերին ընտրուած է Մեծ Բրիտանիայի Հայոց թեմի առաջնորդ, 2011ի Նոյեմբերին ձեռամբ Ամենայն Հայոց կաթողիկոսի ստացած է եպիսկոպոսական ձեռնադրութիւն եւ օծում: Հեղինակ է տասնեակ աշխատութիւններու եւ յօդուածներու, դասախօսած է շարք մը ուսումնական հաստատութիւններու մէջ:
Նշենք, որ Նորվան արք. Զաքարեան Ֆրանսայի Հայոց թեմի առաջնորդի, Արեւմտեան Եւրոպայի հայրապետական պատուիրակի պաշտօնէն եւ Գերագոյն հոգեւոր խորհուրդի անդամութիւնէն հրաժարական տուաւ անցեալ տարուան ամրան:
comments
Կոչ Հայութեան ու Հայրենիքի Իշխանութեան
Australia Live by Armenia Media: Dr Hrayr & Arda Jebedjian
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan