By Asbarez | Friday, 05 December 2014
ՈՒԱՇԻՆԿԹԸՆ.- Արցախի Ազգային ժողովի մամլոյ ծառայութիւնը կը հաղորդէ, թէ Ազգային ժողովի նախագահ Աշոտ Ղուլեան Դեկտեմբեր 3ին այցելած է Ամերիկայի հայկական համագումարի գրասենեակ եւ հանդիպած է կառոյցի գործադիր տնօրէն Պրայըն Արտունուի եւ այլ պատասխանատուներու հետ: Քննարկուած են Արցախի քաղաքական, տնտեսական զարգացման հարցերը, ինչպէս նաեւ՝ զանոնք արտաքին աշխարհին ներկայացնելու հնարաւորութիւնները:
Դեկտեմբերի 4ին, Աշոտ Ղուլեան Ամերիկայի Հայ Դատի յանձնախումբի Ուաշինկթընի գրասենեակին մէջ հանդիպած է կառոյցի գործադիր տնօրէն Արամ Համբարեանի եւ Ամերիկայի Հայ Դատի գրասենեակի նախկին ղեկավար Կարօ Արմէնեանի հետ: Հանդիպման ընթացքին քննարկուած են ատրպէյճանաղարաբաղեան հակամարտութեան խաղաղ կարգաւորման գործընթացի ներկայ վիճակը եւ հնարաւոր զարգացումները, տարածաշրջանային ու միջազգային իրադարձութիւնները, ինչպէս նաեւ անդրադարձ կատարուած է յառաջիկայ տարիներու համագործակցութեան հիմնական ուղղութիւններուն:
ԼՂՀ խորհրդարանի ղեկավարին Ուաշինկթըն աշխատանքային այցը աւարտած է արդէն:
comments
Կոչ Հայութեան ու Հայրենիքի Իշխանութեան
Australia Live by Armenia Media: Dr Hrayr & Arda Jebedjian
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan