By Asbarez | Thursday, 18 December 2014
«124 Տարի Միտքի, Կամքի եւ Խիղճի Երթ» բնաբանով, Չորեքշաբթի, 17 Դեկտեմբերի երեկոյեան Հալէպի «Գ. Եսայեան» սրահին մէջ նշուեցաւ Հայ Յեղափոխական Դաշնակցութեան հիմնադրութեան 124ամեակի ժողովրդային հաւաքը, ներկայութեամբ ՀՅԴ Բիւրոյի ներկայացուցիչ Հրանդ Մարգարեանի, ՀՀ գլխաւոր հիւպատոսին, Բերիոյ Հայոց թեմի առաջնորդ Շահան արք. Սարգիսեանի, Հալէպի հոգեւոր պետերուն, կազմակերպութիւններու ներկայացուցիչներու, Ազգային վարչութեան, ազգային, մարզական, մշակութային եւ հայրենակցական միութիւններու ներկայացուցիչներու եւ հալէպահայերու հոծ բազմութեան:
Սուրիոյ եւ Հայաստանի զոյգ քայլերգներուն յաջորդեց օրուան խորհուրդը ներկայացնող հայերէն բացման խօսքը Զարմիկ Պօղիկեանի կողմէ, որ Դաշնակցութեան օրը որպէս հաշուեյարդարի օր նկատեց եւ բացուած յայտարարեց օրուան հանդիսութիւնը, ապա արաբերէն բացման խօսքով հանդէս եկաւ Ճորճ Պապեան, որմէ ետք յեղափոխաշունչ երեք երգերով ելոյթ ունեցաւ Համազգայինի «Զուարթնոց» երգչախումբը, խմբավարութեամբ Յարութ Ալապոզանեանի, դաշնամուրի ընկերակցութեամբ Ռուզան Պարսումեանի:
Ապա ներկաները հետեւեցան տեսաերիզի մը՝ «ՀՅԴ պատմութիւնն ու անոր ներդրումը սուրիահայութեան եւ յատկապէս հալէպահայութեան կեանքին մէջ» խորագիրով:
comments
Կոչ Հայութեան ու Հայրենիքի Իշխանութեան
Australia Live by Armenia Media: Dr Hrayr & Arda Jebedjian
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan