By Aztag Daily | Tuesday, 20 December 2016
Զբօսաշրջութեան նախարար Աւետիս Կիտանեան լիբանանեան տարբեր լրատուամիջոցներուն հետ երէկ ունեցաւ շարք մը հարցազրոյցներ, որոնց ընթացքին շեշտեց, որ աշխատանքային առումով ինք կը գործէ <<Ժողովուրդին հետ, ժողովուրդին համար>> կարգախօսով:
Ան դիտել տուաւ, որ իրեն համար զբօսաշրջութեան նախարարութիւնը մարտահրաւէր մըն է` աւելցնելով, որ ինք ունի աշխատանքային ծրագիր մը` գրաւելու համար օտար եւ յատկապէս Ծոցի երկիրներու զբօսաշրջիկներուն ուշադրութիւնը:
Կիտանեան յոյս յայտնեց, որ հանրապետութեան նախագահ զօր. Միշել Աունի իշխանութեան օրով նորակազմ կառավարութիւնը ըլլայ բարի նախաձեռնութիւն մը, ինչպէս նաեւ սկզբնաքայլ մը` թեթեւցնելու համար երկրին եւ քաղաքացիներուն ուսերը ծանրացնող բեռը:
<<Եթէ մենք չկրցանք քաղաքացիներուն դիմագրաւած հիմնական հարցերուն լուծումներ գտնել, ապա երկրին իշխանութեան մեր մասնակցութիւնը անարժէք դուրս կու գայ>>, ըսաւ ան` ընդգծելով, որ ինք պիտի ծառայէ բոլոր քաղաքացիներուն:
<<Լիբանանահայութեան համեստ դասակարգին զաւակներէն եմ եւ կը յուսամ, որ կառավարութեան մէջ իբրեւ ՀՅԴ-ի ներկայացուցիչ իմ անձիս վստահուած պարտականութիւնն ու պատասխանատուութիւնը լաւագոյնս արդարացնեմ>>, շեշտեց ան:
Նախարար Կիտանեան ըսաւ, որ այս կառավարութիւնը երեսփոխանական ընտրութիւններու կազմակերպման կառավարութիւնն է, <<հետեւաբար ընտրական օրէնքի մը մշակումը անոր կարեւորագոյն նպատակներէն մէկն է>>:
ՆՇԵՆՔ, որ զբօսաշրջութեան նախարարութեան կեդրոնին մէջ հինգշաբթի, 22 դեկտեմբերին, կէսօրէ առաջ ժամը 11:30-ին տեղի պիտի ունենայ նախարարութեան յանձնումի եւ ստանձնումի պաշտօնական արարողութիւն` նախարարներ Միշել Ֆարաոնի եւ Աւետիս Կիտանեանի միջեւ:
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian