By Asbarez | Tuesday, 11 December 2018
ԵՐԵՒԱՆ, «Ազատութիւն».- Թուրքիոյ խորհրդարանի հայազգի պատգամաւոր Կարօ Փայլան 10 Դեկտեմբերին շնորհաւորեց «Իմ Քայլը» դաշինքի առաջնորդ, Հայաստանի վարչապետի պաշտօնակատար Նիկոլ Փաշինեանը՝ արտահերթ խորհրդարանական ընտրութիւններուն ընթացքին անոր տարած յաղթանակին առիթով:
«Կ՛ըսէին, որ անոնք պիտի չհեռանան: Հայաստանի ժողովուրդը՝ Փաշինեանի գլխաւորութեամբ, նախ փողոցին մէջ իրականացած քաղաքացիական անհնազանդութեամբ, իսկ երէկ ալ՝ ընտրութիւններով, կրցաւ հեռացնել անոնք, որոնք պիտի չերթային: Կը շնորհաւորեմ միապետներու գերիշխանութեան դէմ աշխարհի մէջ այս հրաշալի յաղթանակը տարած իմ բարեկամս՝ Փաշինեանը եւ անոր գաղափարակից ընկերները», գրած է Փայլան իր «Ֆէյսպուք»ի էջին վրայ:
Անցեալ Մայիսին եւս Փայլան ողջունած էր Հայաստանի մէջ համաժողովրդական շարժման յաղթանակը: «Հայաստանի ժողովուրդը յաղթեց ժողովրդավարութեան համար իր պայքարին մէջ:
Կը շնորհաւորեմ: Հիմա մեր կարգն է», օրին գրած էր Փայլան։
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian