By Asbarez | Tuesday, 20 December 2011
ՊՐԻՒՔՍԷԼ.- Արցախի հիմնախնդիրին նուիրուած «Պետութեան տարածքային ամբողջականութիւն եւ ժողովուրդներու ինքնորոշման իրաւունք» նիւթով կլոր սեղան-զրոյց մը իրականացաւ Դեկտեմբեր 10ին, «Քեն»չ համալսարանի Պրիւքսէլի մասնաճիւղէն ներս. անոր յատուկ հրաւէրով մասնակցեցաւ Գերմանիոյ մէջ Լեռնային Ղարաբաղի Հանրապետութեան ներկայացուցիչ Յարութիւն Գրիգորեան:
Միջազգային գիտութեանց դասախօս Մարաթ Թերթերով բացումը կատարեց զրոյցին, եւ նշեց անոր կարեւորութիւնը՝ մատնանշելով նման ձեռնարկի մը աննախընթաց ըլլալն ու կարեւորութիւնը: Ապա խօսքը տրուեցաւ Յարութիւն Գրիգորեանի, որ ներկայացուց Լեռնային Ղարաբաղի անկախութեան եւ ինքնորոշման իրաւունքի հիմունքները: Ան մանրամասնօրէն ներկայացուց արցախահայութեան տարած պայքարը՝ միջազգային ճանաչում ստանալու եւ ժողովրդավար պետութիւն մը կերտելու համար: Յաջորդեց հարց ու պատասխան եւ կարծիքներու փոխանակում՝ ուսանողներուն եւ ԼՂՀի ներկայացուցիչին միջեւ:
Նշենք, որ Յարութիւն Գրիգորեան ներկայիս Գերմանիոյ Փոցտամ համալսարանի իրաւաբանական բաժանմունքի մագիստրոսի դասընթացքներուն կը հետեւի՝ պաշտպանելով «Ժողովուրդներու ինքնորոշումը ընդդէմ պետութեան հողային ամբողջականութեան» թէզը:
comments
Կոչ Հայութեան ու Հայրենիքի Իշխանութեան
Australia Live by Armenia Media: Dr Hrayr & Arda Jebedjian
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan