Արամ Ա. Կաթողիկոսը Հանդիպում Ունեցաւ Սուրիոյ Հանրապետութեան Միւֆթիին Հետ

By Asbarez | Thursday, 16 May 2019

0516mufti

ԴԱՄԱՍԿՈՍ.- Երեքշաբթի, 14 Մայիսի երեկոյեան, Մեծի Տանն Կիլիկիոյ Արամ Ա. վեհափառ հայրապետը իր գլխաւորած պատուիրակութեան հետ այցելութիւն մը տուաւ Սուրիոյ Հանրապետութեան միւֆթի դոկտ. Ահմետ Պատրէտտին Հասսունին:

Մօտէն ճանչցած ըլլալով հանրապետութեան միւֆթին, մտերմիկ զրոյց մը տեղի ունեցաւ երկու հոգեւոր պետերուն միջեւ՝ Սուրիոյ այժմու կացութեան, քրիստոնեայ-իսլամ երկխօսութեան ու գործակցութեան, ինչպէս նաեւ Սուրիոյ հայ համայնքին վերաբերող նիւթերու շուրջ:

Վեհափառ հայրապետը կարեւորութեամբ շեշտեց երկրին մէջ համայնքներու միջեւ գործակցութիւնը ծաւալելու հրամայականը՝ իբրեւ երաշխիք ու մղիչ ուժ ապահովութեան հաստատման ու գոյութիւն ունեցող հարցերու լուծման: Ան յիշեցուց, որ ներկայ աշխարհին մէջ կրօններու, մշակոյթներու եւ ցեղերու խաղաղ գոյակցութիւնը անհրաժեշտութիւն է եւ այդ գծով կրօնները կարեւոր դեր ունին կատարելիք:

Հանրապետութեան միւֆթին յիշեց Արամ Ա. կաթողիկոսին հետ ունեցած իր հանդիպումները, անոր տուած դասախօսութիւնը Դամասկոսի համալսարանին մէջ եւ վեհափառ հայրապետին կատարած կարեւոր դերը յատկապէս քրիստոնեայ-իսլամ երկխօսութեան գծով: Իր կարգին, ան իր պատրաստակամութիւնը յայտնեց առաւել աշխուժութեամբ շարունակելու քրիստոնեայ-իսլամ երկխօսութիւնը: Ան բարձր յարգանքով խօսեցաւ Սուրիոյ հայ համայնքին մասին՝ զայն նկատելով երկրի կենսական բաղադրիչներէն մէկը:

comments

More headlines

Արցախի Կառավարութիւնը Պիտի Աջակցի Լիբանանահայութեան. Նախագահ Յարութիւնեան

Ուաշինկթըն Պաքուն Զգուաշուցած Է Լայնածաւալ Ռազմափորձերուն Գծով, Սակայն․․․

Արամ Ա. Կաթողիկոսը Ընդունեց ՀՅԴ Բիւրոյի Եւ Լիբանանի Կեդրոնական Կոմիտէի Ներկայացուցիչները Եւ Հայ Նախարարուհին

Ազգային Կուսակցութիւններու Համախմբումը Կը Դատապարտէ Լիբանանահայութեան Դէմ Հրահրուած Գրգռութիւնները

Լիբանանեան Երիտասարդական Եւ Ուսանողական Միութիւններու Միացեալ Հաղորդագրութիւն

ՀՅԴ Լիբանանի Հայ Դատի Մարմինը Հակահայ Վերջին Երեւոյթներուն Մասին Նամակներ Յղեց Լիբանանի Մօտ Օտարերկրեայ Դեսպաններու

Հրանդ Տինք Հիմնարկին Դէմ Սպառնալիքները Նման Են Տինքի Սպանութենէն Առաջ Կատարուած Սպառնալիքներուն․ Չեթին

Արամ Ա.  Պահանջատիրութիւնը Մեր Ժողովուրդին Համար Լօզունգ Չէ, Այլ Ամէնօրեայ Տագնապ, Ապրում Ու Ձգտում Է

Էրտողան Կը Շարունակէ Ուրանալ

Անընդունելի է Պահանջատիրութիւնը դուրս հանել մեր օրակարգէն. Հարցազրոյց Արամ Ա. Վեհափառի հետ

Advertisement