By Asbarez | Wednesday, 21 December 2011
ՈՒԱՇԻՆԿԹԸՆ.- Ամերիկայի Հայ Դատի յանձնախումբը կը հաղորդէ, որ Միացեալ Նահանգներու Ծերակոյտն ու Ներկայացուցիչներու տունը վերջնականացուցած ու հաստատած են 2012ի պետական ելեւմտական տարուան արտասահմանեան օժանդակութեանց նախագիծը՝ պետական ընդհանուր ամավարկի ծիրէն ներս։
Նշեալ նախագիծին մէջ Հայաստանի համար նախատեսուած տնտեսական օժանդակութեան չափը քառասուն միլիոն տոլար մնացած է, 2011ի նման, իսկ Ատրպէյճանի օժանդակութեան չափը 16.6 միլիոն տոլար է, Վրաստանինը՝ 66 միլիոն տոլար։
Քոնկրեսը նաեւ շեշտած է Ատրպէյճանի եւ Հայաստանի ռազմական օժանդակութիւնները հաւասարակշռուած պահելու պայմանին յարգումը, եւ խոստացած է նախորդ տարիներուն չափ օժանդակութիւն տրամադրել Արցախին, այսինքն՝ 2 միլիոն տոլարի շուրջ:
Ամերիկայի Հայ Դատի յանձնախումբը կը դրուատէ այն քոնկրեսականները, որոնք իրենց նպաստը բերած են այս օժանդակութիւնները ապահովելու գործին մէջ, միաժամանակ խոստանալով յառաջիկայ տարեշրջանին Հայաստանի եւ Արցախի տրամադրուող օժանդակութեանց չափը բարձրացնել:
comments
Կոչ Հայութեան ու Հայրենիքի Իշխանութեան
Australia Live by Armenia Media: Dr Hrayr & Arda Jebedjian
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan