By Asbarez | Friday, 22 November 2019
ԵՐԵՒԱՆ, «Նիուզ».- Պէյրութի «Ազդակ» թերթի գլխաւոր խմբագիր Շահան Գանտահարեան Նոյեմբեր 20ին կը հաղորդէ, որ թէեւ Լիբանանի մէջ ցոյցերը նուազած են, սակայն երկրին վիճակը տակաւին անկայուն է:
«Վարչապետի եւ գործադիր իշխանութեան հրաժարականէն ետք փորձ կատարուեցաւ խորհրդարանի նիստ գումարել որոշ օրինագիծեր վաւերացնելու համար, բայց ցուցարարները արգիլեցին պատգամաւորներուն մուտքը խորհրդարան, եւ նիստը յետաձգուեցաւ։ Ցուցարարները իրենց արմատական պահանջէն չեն հրաժարած եւ կը պահանջեն անկախ, ապակուսակցական կառավարութիւն, որ երկիրը պիտի առաջնորդէ դէպի արտակարգ ընտրութիւններ: Քաղաքական բանակցութիւններ այժմ չկան ցուցարարներուն եւ երկրի նախագահին կամ խոհրդարանին միջեւ։ Անորոշութիւն է եւ փակուղային իրավիճակ», աւելցուցած է ան։
Ան աւելցուցած է, որ դրամատուները վերաբացուած են, սակայն սահմանափակ գումարներ կը յատկացնեն յաճախորդներուն, ինչ որ ցուցանիշ մըն է երկրին դիմագրաւած ելեւմտական ճգնաժամին:
Ըստ անոր՝ Լիբանանի հայ համայնքը յատուկ դիրքորոշում չունի ցոյցերուն նկատմամբ։ «Քանի որ շարժումը ուղղուած է պետական համակարգի ապակուսակցականացման, ոչ միայն հայկական, այլ նաեւ միւս կուսակցութիւնները եւս պաշտօնական յայտարարութիւններով հանդէս չեն գար, սակայն ցուցարարներու մէջ լիբանանահայեր կան»:
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian