By Asbarez | Saturday, 18 January 2020
ԵՐԵՒԱՆ, «Արմէնփրէս».- Իրանահայ երգիչ Էնդին իր աստղը պիտի ունենայ Հոլիվուտի «Փառքի Ճեմուղի»ին վրայ՝ դառնալով առաջին իրանցի արուեստագէտը, որ կ՛արժանանայ այդ պատիւին, կը գրէ բրիտանական հեղինակաւոր «Կարտիըն» թերթը՝ անդրադառնալով երգիչին իրագործումներուն:
Թերթը կը նշէ, որ Էնդի Մադադեան 22 տարեկանին տեղափոխուած է Լոս Անճելըս եւ եկամուտ ապահովելու համար սկսած է կիթառ նուագել գիշերային ակումբի մը մէջ: Իսկ հիմա, 63 տարեկանին, ան միջազգայնօրէն ճանաչուած ժողովրդային երգիչ է, որ պատրաստ է «նոր սկիզբի» մը:
Ան թերթին նկատել կու տայ, թէ շատերուն համար արտասովոր կրնայ թուիլ, որ 14 ալպոմներ արտադրելէ ետք կարելի է խօսիլ նոր սկիզբի մը մասին, «բայց ինծի համար այդպէս չէ, որովհետեւ շատ մը ամերիկացիներ տակաւին նոր սկսած են ծանօթանալու երաժշտութեանս: Յոյս ունիմ, որ հոլիվուտեան այս աստղը նոր դռներ կը բանայ»։
Ան ընդունեց, որ ներկայիս շատ դժուար է ըլլալ իրանցի-ամերիկացի արուեստագէտ մը՝ աւելցնելով. «Այն, ինչը ես կը ստեղծեմ, կը ստեղծեմ իմ ժողովուրդիս՝ իմ ամերիկացի, իրանցի եւ հայ ժողովուրդներուն համար»:
Թերթը կը նշէ, որ Մադադեան հասակ նետած է Իրանի մայրաքաղաքէն մօտաւորապէս 7000 մղոն հեռաւորութեան վրայ, շրջանի մը մէջ, ուր մեծ թիւով հայեր կ՛ապրէին։
«Կեանքիս մեծ մասը ապրած եմ Լոս Անջելըսի մէջ, ուրեմն ես իսկապէս իրանահայ ամերիկացի եմ եւ կրնամ ըսել, որ այս է ամերիկեան երազը», կ՛եզրակացնէ Էնդին:
Այս տարի «աստղ»երու պիտի արժանան նաեւ խումբ մը աշխարհահռչակ արուեստագէտներ, ներառեալ՝ Էլվիս Քասթելօ, Պիլի Այտըլ, Մաի Ուութըրզ, Ըլիշա Քիզ եւ «50 Սենթ»ը:
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian