Արամ Ա.- Եկեղեցին Իր Զօրակցութիւնը Ժողովուրդին Նկատմամբ Պէտք Է Գործնապէս Արտայայտէ

By Asbarez | Thursday, 30 January 2020

0000ARAM

ԱՆԹԻԼԻԱՍ.- Երեքշաբթի, 28 Յունուարին, Լիբանանի մէջ, Պքէրքէի մարոնիթ պատրիարքարանին մէջ տեղի ունեցաւ Լիբանանի հոգեւոր պետերու հանդիպումը: Հանդիպման նպատակն էր՝ քննել Լիբանանի մէջ, վերջին երեք ամիսներուն տեղի ունեցող ժողովրդային ցոյցերը, յատկապէս ժողովրդին պահանջքները եւ պարզել եկեղեցւոյ տեսակէտը: Ներկայ հոգեւոր պետերը իրենց մօտեցումները արտայայտեցին, բնականաբար ընդգծելով եկեղեցւոյ դիրքորոշումը երկրին մէջ ստեղծուած կացութեան եւ ժողովրդային պահանջներու գծով:

Խօսք առաւ նաեւ Արամ Ա. կաթողիկոսը, որ ընդհանուր գծերով ներկայացնելէ ետք Լիբանանի դիմագրաւած վտանգալից մարտահրաւէրները՝ շեշտեց. «Ճիշդ չէ ընդհանրութիւններու մէջ մնալ, անհրաժեշտ է եկեղեցւոյ տեսակէտը յստակօրէն արտայայտել: Եկեղեցին ժողովուրդին ձայնն է, անոր սպասումներուն ու կամքին արտայայտութիւնը: Ժողովուրդը ընդվզած է անարդարութեան ու փտածութեան նկատմամբ: Վստահութեան պակաս մը կայ ժողովուրդին մօտ քաղաքական իշխանութեան նկատմամբ: Եկեղեցին պէտք է զգուշացնէ քաղաքական պատասխանատուները, որպէսզի անոնք ժողովուրդին պահանջներուն գոհացում տան՝ գործնական քայլերու դիմելով»:

Վեհափառը նոյն ժամանակ զգուշացուց՝ ըսելով. «Բռնարարքները կրնան ժողովրդային յեղափոխութեան բնոյթը փոխել: Կառավարութեան վստահութիւն եւ նեցուկ պէտք է տալ, որպէսզի անիկա կարենայ շուտով աշխատանքի լծուիլ»: Վեհափառը շեշտեց, որ «անհրաժեշտ է համայնքային զգայնութիւններ ստեղծող արտայայտութիւններէ ու քայլերէ հեռու մնալ» եւ ընդգծեց «ներքին միասնականութեան պահպանման հրամայականը»:

Իր խօսքին աւարտին հայրապետը առաջարկեց, որ «կոչ մը ուղղուի լիբանանեան սփիւռքին, արաբական աշխարհին եւ միջազգային համայնքին, որպէսզի նեցուկ կանգնին Լիբանանին, յատկապէս տնտեսական մարզին մէջ»:

comments

More headlines

Ֆրանսա Ամէն Ջանք Ի Գործ Պիտի Դնէ Ղարաբաղեան Տագնապի Խաղաղ Լուծման Համար

Յարձակում Սան Ֆրանսիսքոյի Գռուզեան-Զաքարեան-Վասպուրական Վարժարանին Եւ Հայ Կեդրոնին Վրայ

Սպանացի Ծերակուտականը Մտահոգութիւն Յայտնեց Հայաստանի Եւ Արցախի Նկատմամբ Ատրպէյճանի Յարձակողապաշտութեան Գծով

Մենք Կը Սատարենք Հայ Ժողովուրդին. Կիպրոսի Խորհրդարանի Նախագահ

Արցախի Կառավարութիւնը Պիտի Աջակցի Լիբանանահայութեան. Նախագահ Յարութիւնեան

Ուաշինկթըն Պաքուն Զգուաշուցած Է Լայնածաւալ Ռազմափորձերուն Գծով, Սակայն․․․

Արամ Ա. Կաթողիկոսը Ընդունեց ՀՅԴ Բիւրոյի Եւ Լիբանանի Կեդրոնական Կոմիտէի Ներկայացուցիչները Եւ Հայ Նախարարուհին

Ազգային Կուսակցութիւններու Համախմբումը Կը Դատապարտէ Լիբանանահայութեան Դէմ Հրահրուած Գրգռութիւնները

Լիբանանեան Երիտասարդական Եւ Ուսանողական Միութիւններու Միացեալ Հաղորդագրութիւն

ՀՅԴ Լիբանանի Հայ Դատի Մարմինը Հակահայ Վերջին Երեւոյթներուն Մասին Նամակներ Յղեց Լիբանանի Մօտ Օտարերկրեայ Դեսպաններու

Advertisement