By Asbarez | Friday, 11 December 2009
ԼՈՍ ԱՆՃԵԼԸՍ, <<Լոս Անճելըս Թայմզ>>.- Քալիֆորնիոյ նահանգային խորհրդարանի անդամ Փօլ Գրիգորեան Երեքշաբթի, Դեկտեմբեր 8ին կայացած Լոս Անճելըսի քաղաքապետական խորհուրդի երկրորդ ընտրատարածքի քուէարկութեան երկրորդ հանգրուանին յաղթանակով աւարտեց իր ընտրապայքարը, քուէներու գրեթէ 14 տոկոսի առաւելութեամբ պարտութեան մատնելով իր մրցակիցը՝ Քրիսթին Էսըլը:
Յատկանշական է, որ գործարար շրջանակներու եւ քաղաքապետութեան պաշտօնեաներու միութեան աջակցութիւնը վայելող Էսըլ իր ընտրապայքարին համար ծախսած էր աւելի քան մէկ ու կէս միլիոն տոլար, մինչ Գրիգորեանի պարագային այդ գումարը 571,000 տոլար էր:
Ընտրութեանց իրենց մասնակցութիւնը բերած էին ընտրելու իրաւունք ունեցող քաղաքացիներուն միայն 15 տոկոսը: Անոնցմէ 10,810ը քուէարկած են Գրիգորեանի ի նպաստ, իսկ, 8304՝ Էսըլին:
Գրիգորեան պիտի փոխարինէ Ուէնտի Կրուլին:
Գրիգորեան ողջունեց այն իրողութիւնը, որ քաղաքացիները իրենց քուէներուն միջոցաւ նեցուկ կանգնած են իր առաջադրած այն նպատակին, թէ քաղաքապետական խորհուրդը պէտք է հիմնուած ըլլայ թափանցիկ հաշուետուութեան վրայ եւ պէտք է հասնիլ Սան Ֆերնանտօ հովիտի բնակչութեան կարքիներուն:
comments
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan
Australia Live By Armenia Media: Sarkis Yedelian
Australia Live By Armenia Media: Kaylar Michaelian
Australia Live By Armenia Media: Kevork Vartanian & Harmig Hagopian
Australia Live By Armenia Media: Margaret Chater and Houri Demirdjian