By Asbarez | Thursday, 11 November 2021
Հայ Դատի Բրիտանիոյ յանձնախումբը յայտարարեց, որ 9 Նոյեմբերը պատմական օր է Հայ Դատին համար, որովհետեւ Համայնքներու պալատին մէջ Հայոց Ցեղասպանութեան մասին օրինագիծի առաջին ընթերցումը անցաւ առանց առարկութիւններու։
«Յաջորդ ընթերցումը տեղի պիտի ունենայ 18 Մարտ 2022ին: Շնորհակալութիւն կը յայտնենք Թիմ Լաֆթընին եւ բոլոր հովանաւորներուն` այս յաջողութեան համար», յայտնեց Հայ Դատի յանձնախումբը:
Նշենք, որ օրինագիծը ներկայացուց պահպանողական խորհրդարանական Թիմ Լաֆթըն, իսկ անոր նպատակն է պաշտօնական ճանաչման եւ յիշատակութեան միջոցով ոգեկոչել Հայոց Ցեղասպանութիւնը:
Օրինագիծը ունի հիմնական երեք դրոյթներ. առաջին` Օսմանեան կայսրութեան եւ անոր յարակից տարածքներուն մէջ 1915-1923 թուականներուն հայութեան ջարդերու պաշտօնական որակում` իբրեւ ցեղասպանութիւն, երկրորդ` ցեղասպանութիւններու, որոնց կարգին Հայոց Ցեղասպանութեան Նահատակներու յիշատակի տարեկան ոգեկոչում, երրորդ` Հայոց Ցեղասպանութեան եւ անոր վերաբերող մարդու իրաւունքներու ժամանակակից խախտումներու եւ պատերազմական յանցագործութիւներու վերաբերեալ կրթութեան եւ հանրային տեղեկացուածութեան խթանում:
comments
Հոլանտայի Խորհրդարանը Ատրպէյճանի Սադրանքներուն Մասին Բանաձեւեր Որդեգրեց
Վերակազմուեցաւ Եւրոպայի Խորհրդարանին Մէջ Հայաստանի Հետ Բարեկամութեան Խումբը
Իսրայէլի Խորհրդարանին Ներկայացուեցաւ Հայոց Ցեղասպանութիւնը Ճանաչելու Բանաձեւը
Կենսաբան Արտէմ Փաթափութեան Տիրացաւ Նոպէլեան Մրցանակի
Հայ Գերիներու Հարցը Եւ Պաքուի Պատերազմական Ոճիրները Հետապնդել Պահանջող Յաւելուածները Հաստատուեցան
Ատրպէյճան-Թուրքիա Ռազմափորձեր Քաշաթաղի Մէջ
Փայլան Փոքրամասնութիւններու Հաստատութիւններու Ընտրութիւններուն Մասին Յստակացում Պահանջեց
