By Asbarez | Friday, 07 January 2022
ՓԱՐԻԶ, «Նոր Յառաջ»․- Թուրքիոյ խորհրդարանի հայ երեսփոխան Կարօ Փայլան «Ֆէյսպուք»ի իր էջին վրայ հրապարակած տեսանիւթով կը յայտարարէ, թէ պատրաստ է իր ներդրումը ունենալու Հայաստան-Թուրքիա յարաբերութիւններու կարգաւորման գործին մէջ:
Փայլան, դիմելով Թուրքիոյ մէջ գործող քաղաքական ուժերուն, նախագահ Էրտողանին, ինչպէս նաեւ Հայաստանի ու Ատրպէյճանի քաղաքական շրջանակներուն` կոչ կ՛ընէ աջակցելու հարցի լուծման:
Ան իր խօսքին աւարտին անգամ մը եւս կը հաստատէ, որ պատրաստ է Հայաստան-Թուրքիա յարաբերութիւններու լուծման ուղղութեամբ ստանձնելու որեւէ պատասխանատուութիւն:
Հայ երեսփոխանը՝ երկուստեք յատուկ բանագնացներ նշանակելու որոշումը պատմական կը համարէ՝ յոյս յայտնելով, որ կարելիութեան այս պատուհանը լաւագոյնս կ՛օգտագործուի:
Փայլան նաեւ համոզում յայտնած է, թէ պէտք է յստակ ճանապարհային քարտէս մշակել եւ ջանքեր գործադրել կողմերուն միջեւ վստահութեան մթնոլորտ ստեղծելու համար:
comments
Հոլանտայի Խորհրդարանը Ատրպէյճանի Սադրանքներուն Մասին Բանաձեւեր Որդեգրեց
Վերակազմուեցաւ Եւրոպայի Խորհրդարանին Մէջ Հայաստանի Հետ Բարեկամութեան Խումբը
Բրիտանիոյ Համայնքներու Պալատ Ընդունեց Հայոց Ցեղասպանութեան Օրինագիծը
Իսրայէլի Խորհրդարանին Ներկայացուեցաւ Հայոց Ցեղասպանութիւնը Ճանաչելու Բանաձեւը
Կենսաբան Արտէմ Փաթափութեան Տիրացաւ Նոպէլեան Մրցանակի
Հայ Գերիներու Հարցը Եւ Պաքուի Պատերազմական Ոճիրները Հետապնդել Պահանջող Յաւելուածները Հաստատուեցան
Ատրպէյճան-Թուրքիա Ռազմափորձեր Քաշաթաղի Մէջ
Փայլան Փոքրամասնութիւններու Հաստատութիւններու Ընտրութիւններուն Մասին Յստակացում Պահանջեց