By Asbarez | Wednesday, 07 March 2012
ՍԻՆՍԻՆԵԹԻ.- «Փոլիթիքօ» հաղորդեց, թէ Երեքշաբթի, Մարտ 6ին, Օհայոյի երկրորդ ընտրատարածքին մէջ տեղի ոaւնեցած Ներկայացուցիչներու տան նախնական ընտրութիւններուն ընթացքին, 7 անգամ քոնկրեսական ընտրուած հանրապետական թեկնածու Ճին Շմիթ, որ ծանօթ է իր թրքամէտ կեցուածքներով, պարտութիւն կրած է առաջին անգամ ըլլալով քոնկրեսական ընտրութեան մասնակցող թեկնածուէ մը:
«Փոլիթիքօ»ն Շմիթի պարտութիւնը կը կապէ 2008ի քոնկրեսական ընտրութեանց ընթացքին Շմիթի եւ Դեմոկրատ կուսակցութեան թեկնածու Տէյվիտ Գրիգորեանի միջեւ ծագած բանավէճին, որուն ընթացքին բացայայտուած էր, թէ Շմիթ յատկանշական օժանդակութիւն ստացած է Թուրքիոյ ի նպաստ լոպիական աշխատանք կատարող հիմնարկներէ:
Ամերիկայի Հայ Դատի յանձնախումբը ողջունեց Շմիթի պարտութիւնը՝ յիշեցնելով, որ ան պայքարած էր Հայկական Ցեղասպանութեան ճանաչումը պահանջող բանաձեւերուն դէմ:
Անցեալ տարուան Օգոստոսին, Ներկայացուցիչներու տան Բարոյական հարցերու յանձնախումբը վճրեց, թէ Շմիթ պէտք է վերադարձնէ 2008էն 2010ի միջեւ թրքական լոպիական հիմնարկներէն ստացած մօտաւորապէս 500,000 տոլար գումարը, սակայն անոր դէմ յաւելեալ պատժամիջոցներ չորդեգրեց:
comments
Կոչ Հայութեան ու Հայրենիքի Իշխանութեան
Australia Live by Armenia Media: Dr Hrayr & Arda Jebedjian
Australia Live by Armenia Media: Victor Karapetyan
Australia Live by Armenia Media: Professor Navoyan
Australia Live By Armenia Media: Reverend Sarkissian
Australia Live By Armenia Media: Zarouhi Manoukian
Australia Live By Armenia Media: Hayk Arsenyan
Australia Live By Armenia Media: Hasmik Movsisyan & Zhanna Nazaryan