ԹԱԹՈՒԼ ՅԱԿՈԲԵԱՆ

Հայաստանի մշտական բնակչութիւնը, ըստ պաշտօնական տուեալների՝ 2016 թուականի Յուլիսի 1ի դրութեամբ կազմել է 2 միլիոն 995 հազար 100 մարդ: Անցած մէկ տարուայ ընթացքում, Հայաստանի մշտական բնակչութեան թիւը նուազել է 10 հազար 400ով:

Մշտական բնակչութեան այս թուի փոփոխութիւնը պայմանաւորուած է բնական յաւելաճով՝ ծնուածների ու մահացածների թուի տարբերութեամբ, ինչպէս նաեւ հաշուառումից դուրս եկած բնակիչների թուով: Այս հաշուարկի մէջ չեն մտնում երկրից արտագաղթած հայաստանցիները, ովքեր շարունակում են մնալ հաշուառման մէջ: Այլ կերպ ասած՝ հաշուառումից դուրս եկած հայաստանցիները կազմում են արտագաղթածների մի փոքր մասը միայն, գրում է <<Հայկական Ժամանակ>> օրաթերթը:

1992ից ի վեր, Հայաստանում միայն երեք տարի՝ 2004, 2005 եւ 2006 թուականին է, որ երկրից միգրացիոն հոսքերը՝ ժամանածների եւ մեկնածների միջեւ տարբերութիւնը, եղել է դրական: Թուերը, որ ներկայացւում են ստորեւ, վերցուած են ՀՀ Ազգային վիճակագրական ծառայութեան եւ ՀՀ տարածքային կառավարման նախարարութեանն առընթեր Միգրացիոն պետական ծառայութեան հրապարակումներից: (Տե՛ս սիւնակ թիւ 1)

Այսպիսով, Լեւոն Տէր Պետրոսեանի նախագահութեան տարիներին, Հայաստանից հեռացել եւ չի վերադարձել 586,800 մարդ: Շատ հաւանական է, որ 1992-1994 թուականների տուեալները իրենց մէջ ներառում են այն արտագաղթած հայերին, որոնք Հայաստանում հաստատուել էին Ադրբեջանից, այսինքն՝ չեն եղել Հայաստանի քաղաքացիներ: Այսօր, շատ բարդ է ճշգրիտ հաշուարկ կատարել: Բայց ակնյայտ է, որ Հայաստանից ամէնից մեծ արտագաղթը եղել է 1992-1994 թուականներին, որի հիմնական պատճառներից էին Արցախեան պատերազմը, Խորհրդային Միութեան փլուզման աղէտալի հետեւանքները, ինչպէս նաեւ էներգետիկ եւ տնտեսական խորը ճգնաժամը: Եթէ անգամ 1992-1994 թուականներին է եղել ամենալայնածաւալ արտագաղթը, ապա դա ամբողջովին փոխհատուցւում է Արցախեան յաղթանակով:

Ռոբերտ Քոչարեանի նախագահութեան 10 տարիներին, Հայաստանից արտագաղթել է 129,300 մարդ, տարեկան միջինը՝ գրեթէ 13 հազար, որը, եթէ օրական հաշուենք, միջինը կը ստացուի 35 մարդ: (Տե՛ս սիւնակ թիւ 2)

Սերժ Սարգսեանի նախագահութեան 8 տարիներին, Հայաստանից արտագաղթել է 296,988 մարդ: Եթէ սրան աւելացնենք այս տարուայ 6 ամիսների արտագաղթը, ապա կ՛ունենանք գրեթէ 310 հազար, որը օրականի վերածելով՝ կը ստանանք, որ Սերժ Սարգսեանի նախագահութեան տարիներին, ամէն օր Հայաստանից հեռանում է մօտ 100 մարդ: (Տե՛ս սիւնակ թիւ 3)

Խորհրդային Միութեան տարիներին անցկացուած մարդահամարի տուեալներով՝ Հայաստանում բնակչութեան թիւը կազմել է՝