Ծննդեան 90-ամեակ Եւ Մահուան 20-ամեակ

By Asbarez | Thursday, 20 December 2018

Հայութեան եւ Հայ դատի հաւատարիմ զինուոր հանդիսացած Հրայր Մարուխեանի 90-ամեակն է այսօր` 19 դեկտեմբերին, իսկ քանի մը օր ետք` 21 դեկտեմբերին, կ’ամբողջանայ անոր մահուան 20-ամեակը:

Ան եղաւ հայ իրականութեան մէջ կարեւոր դերակատարութիւն եւ ներդրում ունեցած ղեկավար մը, որ դաշնակցականի իր յանդուգն կամքով ու աներեր հաւատքով պայքարի ուղին բացաւ, ամրապնդեց հաւաքական կամքը ո՛չ միայն Դաշնակցութեան, այլեւ համայն հայութեան շարքերուն մէջ:

Աւելի քան 25 տարի վարեց ՀՅԴ Բիւրոյի ներկայացուցիչի բարձրագոյն պատասխանատուութիւնը` այսպիսով տիրանալով  հայ ժողովուրդի ազգային արժանաւոր ղեկավարի դափնեպսակին:

Այս մեծ անձնաւորութեան կեանքին ու տարած մեծ աշխատանքին կ’անդրադառնանք իր մահուան օրը`  21 դեկտեմբերի մեր էջերով:

comments