Ատրպէյճանի նախագահ Իլհամ Ալիեւ Հայաստանը զգուշացուց սադրանքներու դիմելէ. Այլապէս արժանի պատասխան պիտի տանք», ըսաւ ան: Այս յայտարարութիւնները Իլհամ Ալիեւ կատարեց 21 Սեպտեմբերին, Լաչինի մէջ, կը տեղեկացնէ «Ազատութիւն»ը:

«Այսօր Հայաստան պէտք է լաւ մտածէ: Ոչ ոք մեզի հետ վերջնագիրներով կրնայ խօսիլ եւ ոչ ոքի վրայ յոյս  թող դնեն: Ես անգամ մը եւս կ՛ուզեմ ըսել՝ մեզ ոչ ոք եւ ոչինչ կրնայ կասեցնել: Մենք իրաւունքի, արդարութեան, միջազգային իրաւունքի կողմնակից ենք, կը պաշտպանենք, կը պահպանենք ու կը վերականգնենք մեր տարածքային ամբողջականութիւնը: Ամբողջ աշխարհին ցոյց տուած ենք, թէ ի՛նչի ընդունակ ենք, մենք ուժով ազատագրեցինք մեր հողը եւ կը հպարտանանք անորմով», յայտարարեց Ալիեւ:

Ան ըսաւ, թէ Հայաստան խաղաղութիւն չ՛ուզեր եւ փոխվրէժի միտքեր ունի: Ալիեւ դժգոհ է, որ պաշտօնական Երեւան գրեթէ մէկ տարի է կը ձգձգէ սահմաններու սահմանագծման գործընթացը, իսկ հիմա անիկա պարզապէս ձեւական բնոյթ կը կրէ եւ ոչ մէկ էական բան կայ եւ քարտէսներու մասին քննարկումներ չկան:

Ալիեւ պնդեց, որ ատրպէյճանական կողմը նախապատրաստած է 20րդ դարու եւ նախորդ ժամանակաշրջանի քարտէսներ եւ անոնց հիման վրայ պէտք է սահմանազատման աշխատանքներ տարուին:

«Եթէ Հայաստան կ՛ուզէ մեզ մեղադրել, թէ մենք իրենց տարածքը մտած ենք, այդ մէկը ոչ մէկ հիմնաւորում ունի: Նախ եւ առաջ, եթէ սահմանները ըլլային հոն, ուր իրենք կ՛ըսեն, սահմանային ճարտարապետական աշխատանքներ կը տարուէին: Անոնք կը կարծէին, թէ ամբողջ Ղարաբաղը եւ Զանգեզուրը իրենց պիտի մնայ: Այդ պատճառով ալ ոչ մէկ բան ըրած են հայ-ատրպէյճանական սահմանին», ըսաւ Ալիեւ: