By Asbarez | Monday, 23 April 2012
Հոլանտ կը քուէարկէ
ՓԱՐԻԶ, «Ա.Էֆ.Փէ.».- Կիրակի, Ապրիլ 22ին, Ֆրանսայի մէջ տեղի ունեցաւ նախագահական ընտրութեանց առաջին հանգրուանը, որուն մասնակցութեան համեմատութիւնը 70.95 առ հարիւր էր: Ընկերվարական կուսակցութեան թեկնածու Ֆրանսուա Հոլանտ գրաւեց առաջին դիրքը՝ ապահովելով քուէներուն 29 առ հարիւրը, իսկ նախագահ Նիքոլա Սարքոզի՝ 26 առ հարիւրը: Մեծագոյն անակնկալը ծայրայեղ աջակողմեան թեկնածու Մարին լը Փենի ապահոված քուէներուն մօտաւորապէս 20 առ հարիւրն էր, մինչ Ձախակողմեան ճակատի թեկնածու Ժան Լիւք Մելանշոն ստացաւ քուէներուն 12 առ հարիւրը: Նկատի ունենալով, որ թեկնածուներէն ոչ ոք ապահովեց քուէներուն 50 առ հարիւրէն աւելի, առաջին երկու դիրքերը գրաւած թեկնածուները՝ Հոլանտ եւ Սարքոզի, Մայիս 6ին իրարու դէմ պիտի մրցին: Առաջին հանգրուանէն ետք ձախակողմեան Մելանշոն իր հետեւորդներուն կոչ ըրաւ՝ Սարքոզին պարտութեան մատնելու:
Նախագահ ընտրուելու պարագային, Հոլանտ Ֆրանսայի առաջին ընկերվարական նախագահը պիտի ըլլայ՝ 1981էն 1995 նախագահի պաշտօնը վարած Ֆրանսուա Միթերանէն ետք, իսկ Սարքոզին, Վալերի Ժիսքար Տեսթենէն ետք պիտի ըլլայ առաջին նախագահը, որ երկրորդ նստաշրջան չէ ապահոված:
Հոլանտ ֆրանսական «Նուվել Օպզերուաթէօր» թերթին հետ հարցազրոյցի մը ընթացքին, այլ հարցերու կողքին անդրադարձած էր նաեւ Թուրքիոյ եւ Հայոց Ցեղասպանութեան՝ կրկնելով, թէ Թուրքիա պէտք է ճանչնայ Ցեղասպանութեան իրողութիւնը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ