By Asbarez | Thursday, 10 May 2012
ԵՐԵՒԱՆ, «Արմէնփրէս».- Չորեքշաբթի, Մայիս 9ին, Շուէտի խորհրդարանը մերժած է Լեռնային Ղարաբաղի հակամարտութեան կարգաւորման վերաբերեալ Ատրպէյճանի միջնորդագիրը:
Անցեալ տարի, խորհրդարանի «Կանաչներ» կուսակցութեան միջոցաւ ներկայացուած նախաձեռնութեան մէջ կոչ կ՛ըլլար, որ Շուէտ աշխուժօրէն ներգրաւուի Արցախի հակամարտութեան կարգաւորման գործընթացին՝ պահանջելով «բռնագրաւեալ ատրպէյճանական տարածքէն անյապաղ դուրս բերել հայկական բոլոր զինուած ուժերը», իսկ միջազգային կազմակերպութիւններէն՝ աշխատիլ «Ատրպէյճանի տարածքին մէջ գտնուող Լեռնային Ղարաբաղի հայ փոքրամասնութեան ապահովութիւնը եւ ինքնավարութիւնը երաշխաւորելու ուղղութեամբ»:
Ըստ շուէտական լրատուամիջոցներու՝ խորհրդարանը այս նախաձեռնութիւնը նկատած է շեղում մը հակամարտութեան կարգաւորման հարցով ձեռք բերուած սկզբունքներէն: Փոխարէնը, խորհրդարանը վաւերացուցած է բանաձեւ մը, որուն մէջ կ՛ըսուի. «Լեռնային Ղարաբաղի հակամարտութեան հարկաւոր է խաղաղ լուծում, եւ կայ տագնապը լուծելու գործընթաց, որ Մինսկի խմբակի պարտականութիւնն է: Արտաքին գործոց յանձնաժողովը կը սատարէ ԵԱՀԿի շրջանակներուն մէջ գործադրուող ջանքերուն»:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ