By Asbarez | Wednesday, 12 May 2010
Իսրայէլի խորհրդարանի անդամ, ձախակողմեան <<Մերեց>> կուսակցութեան ղեկավար եւ Հայկական Ցեղասպանութիւնը ճանչցող բանաձեւի հեղինակ Հայիմ Օրոն <<Արմինֆօ>> լրատու գործակալութեան յայտնած է, թէ Երկուշաբթի, Մայիս 10ին Իսրայէլի խորհրդարանին մէջ քննարկուած է այն հարցը, թէ ո՞ր յանձնախումբին մէջ պիտի արծարծուի Հայոց Ցեղասպանութեան ճանաչման հարցը, սակայն վերջնական որոշում չէ կայացուած: Բանաձեւը կրնայ քննուիլ Արտաքին յարաբերութիւններու եւ Պաշտպանութեան կամ կրթական հարցերու յանձնախումբին կողմէ:
Օրոն յիշեցուցած է, որ փաստաթուղթը Քնեսեթի (Իսրայէլի խորհրդարանի) օրակարգ մտած է այս տարուան Ապրիլ 28ին, երբ Քնեսեթի 12 անդամներ քուէարկած են զայն քննարկելու ի նպաստ:
<<Քնեսեթի լիագումար նիստին մէջ ելոյթ ունենալով՝ ես նշեցի, թէ չորրորդ տարին է, որ կը բարձրացնեմ այդ հարցը, յուսալով, որ նման բանավէճերու արդիւնքով Իսրայէլի Քնեսեթը կը ճանչնայ Հայկական Ցեղասպանութիւնը: Մենք հայ ժողովուրդին փոխհատուցում տրամադրելու հարցը չենք քննարկեր։ Մենք կը խօսինք շատ էական բանի մը մասին՝ հրեայ ժողովուրդին, Քնեսեթի կողմէ այլ ժողովուրդի մը ազգային ողբերգութեան ճանաչման մասին>>, ըսած է Օրոն՝ աւելցնելով, որ պէտք է պայքարիլ <<ուրացման, ոչ յստակ ձեւակերպումներու եւ <<փակ աչքերու>> քաղաքականութեան դէմ>>։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
