By Asbarez | Tuesday, 10 July 2012
ՊԵՐԼԻՆ, «Ռոյթըրզ».- Առցանց հարթակի վրայ պարզուած է, որ Հայոց Ցեղասպանութեան հերքումը քրէականացնող օրէնքի ընդունման պահանջը ամէնէն զանգուածայինն է. շուրջ 157 հազար գերմանացի ըսած է, թէ կը փափաքի, որ կառավարութիւնը ընդունի օրէնք մը, որով ապօրինի կը ճանչնայ Հայոց Ցեղասպանութեան ժխտումը: Այս մասին կը յայտնէ «Ռոյթըրզ»ը:
Ըստ նոյն գործակալութեան՝ նման փորձ մը, զոր արդէն կատարած է Ֆրանսան, մեծապէս պիտի վնասէ Թուրքիոյ եւ իր առեւտրային կարեւոր գործընկեր Գերմանիոյ յարաբերութիւններուն, իսկ Գերմանիոյ վարչապետ Անկելա Մերքել մերժած է նոյնիսկ քննարկել այդ պահանջը՝ քուէարկութեան մասնակիցներուն հետ:
Այդ պահանջին շուրջ քուէարկութիւնը կատարուած է Գերմանիոյ կառավարութեան «Երկխօսութիւն ապագայի վերաբերեալ» նախաձեռնութեան կողմէ, առցանց հարցախոյզի մը ծիրէն ներս, որ նպատակ ունի սովորական գերմանացիներուն կեանքը բարելաւել Գերմանիոյ մէջ:
«Ռոյթըրզ» կը շեշտէ, որ ծագումով (համայնավարական) Արեւելեան Գերմանիայէն Մերքել, ջերմօրէն արձագանգած է Գերմանիոյ քաղաքներուն մէջ ծառեր տնկելու առաջարկին՝ ի նշան երկու Գերմանիաներու վերամիաւորման:
Գերմանիոյ մէջ վերջերս ընդհանրացող երեւոյթ դարձած է համացանցի միջոցով քաղաքացիներ քաղաքական հարցերու մէջ ներգրաւելը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ