By Նիուզ | Monday, 04 October 2010
ԱՐԱՐԱՏ, «Նիուզ».- Հայաստանի վարչապետ Տիգրան Սարգսեան Սեպտեմբեր 29ին մասնակցած է Խարբերդի մանկատան (որբանոց) նոր մասնաշէնքի բացումին, որ կառուցուած է մանկատան չափահաս սաներուն խնդիրները լուծելու նպատակով:
Ըստ ՀՀ կառավարութեան մամլոյ ծառայութեան տուեալներուն, նոր մասնաշէնքի 2007ին սկսած շինարարական աշխատանքներուն համար, պետական պիւտճէէն յատկացուած է շուրջ 600 միլիոն դրամ։
Կատարելով նոր մասնաշէնքին բացումը՝ ՀՀ վարչապետը շրջած է կահաւորուած սենեակներուն մէջ, ծանօթացած երեխաներու խնամքի եւ ապրելակերպի պայմաններուն, ինչպէս նաեւ անոնց ստեղծագործութիւններուն, ապա ծառ տնկած՝ մանկատան բակին մէջ:
Մանկատան տնօրէն Յարութիւն Բալասանեան, իր ելոյթին մէջ կարեւոր համարած է Խաչատուր Աբովեանի անուան Հայաստանի պետական մանկավարժական համալսարանի դերը՝ մանկատան գործունէութեան մէջ:
Նշենք, որ 1953ին ստեղծուած մանկատունը՝ իբրեւ հասարակական-առողջապահական հաստատութիւն, կը զբաղի 6-18 տարեկան հաշմանդամ երեխաներու խնամքով: Շուրջ 277 երեխաներէն 120ը չափահաս է. անոնք այսուհետեւ պիտի ապրին նոր մասնաշէնքին մէջ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ