By Asbarez | Monday, 11 October 2010
Իտալական «Լիմես» թերթին հետ իր հարցազրոյցին ընթացքին, Թուրքիոյ նախագահ Ապտուլլահ Կիւլ յայտարարած է, որ Հայկական Հարցին եւ Թուրքիոյ Եւրոպական Միութեան անդամակցութեան միջեւ որեւէ կապ չկայ։ Հարցազրոյցին ընթացքին ան այլ հարցերու կողքին նաեւ անդրադարձած է Հայաստանի եւ Թուրքիոյ միջեւ սկսած յարաբերութիւններու կարգաւորման գործընթացին։
«Անգարայի Եւրոպական Միութեան անդամակցութեան եւ Հայկական Հարցին միջեւ որեւէ կապ գոյութիւն չունի։ Բնականաբար, Թուրքիան կը վարէ տարածաշրջանին մէջ խաղաղութեան եւ համագործակցութեան հաստատման ուղղուած քաղաքականութիւն, ինչ որ շատ կարեւոր է։ Մենք աշխատած ենք Կովկասի մէջ կայունութեան հաստատման համար։ Անձամբ ես Հայաստանի հետ նախաձեռնութիւն սկսելու համար առաջին քայլերը կատարած եմ։ Հայաստանի հետ հարցը կարգաւորման կարիք ունի։ Իսկ հիմա հաւանաբար լուռ դիւանագիտութեան ժամանակն է», ըսած է Կիւլ:
Ի պատասխան այն հարցումին, թէ ի՞նչ նկատի ունի ան, երբ կ՛ըսէ «լուռ դիւանագիտութիւն», Կիւլ ըսած է. «Լուռ եւ վճռական դիւանագիտութիւն»։
«Այսինքն, միայն գաղտնի բանակցութիւննե՞ր», հարցուցած է լրագրողը։ «Այն կարծիքին եմ, որ խնդիրի կարգաւորման հասնելու համար, ներկայ պահուս ատիկա կը պահանջուի», ըսած է Թուրքիոյ նախագահը։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ