By Asbarez | Sunday, 14 November 2010
ՊՈԼԻՍ.- Թուրքիոյ վարչապետ Ռեչեփ Թայիփ Էրտողան Պոլսոյ «Ժամանակ» օրաթերթի գլխաւոր խմբագիր Արա Գոչունեանի հետ հարցազրոյցի մը ընթացքին յայտարարած է, թէ Թուրքիա կրնայ Հայաստանի հետ ունենալ բարեկամական յարաբերութիւններ։
«Թուրքիա որեւէ պետութեան թշնամի չէ։ Մենք անցեալին տեղի ունեցած ցաւօտ իրադարձութիւնները ապագայի տեսլականի ձեւաւորման հարցին մէջ երբեք չենք օգտագործած։ Մեր ազատագրական պայքարը յաղթանակով պսակելէ ետք, այդ բոլոր երկիրներուն հետ նոր ժամանակաշրջան սկսանք եւ բարեկամական յարաբերութիւններ հաստատեցինք։ Ատիկա կրնանք ընել նաեւ Հայաստանի հետ։ Պատմութիւնը պատմաբաններուն ու գիտնականներուն ձգելով՝ կրնանք միասին քալել դէպի ապագայ։ Կը հաւատամ, որ ատիկա դեռ կարելի է։ Սակայն հայկական Սփիւռքի մէկ որոշ հատուած մը, հարցին նման տեսլականով չի մօտենար, ինչ որ խոչընդոտներ կը ստեղծէ գործընթացին համար», յայտարարած է Էրտողան։
Թրքական «Հիւրրիյէթ» օրաթերթը Էրտողանի այդ յայտարարութիւնները մեկնաբանած է իբրեւ «Պոլսոյ մէջ լոյս տեսնող «Ժամանակ» թերթին միջոցով՝ Հայաստանին ուղղուած պատգամ»։
Անդրադառնալով պոլսահայ համայնքի գործունէութեան՝ Թուրքիոյ վարչապետը ըսած է. «Ես մեծ գնահատանքով կը հետեւիմ Թուրքիոյ հայ համայնքի՝ երկրին ներքին խաղաղութեան ու զարգացման համար գործադրած ջանքերուն։ Հայ համայնքը կը դիտեմ իբրեւ Թուրքիոյ հարստութիւնը»։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ