By Նիուզ | Tuesday, 11 January 2011
ՊՈԼԻՍ, «Նիուզ».- Թրքական «Թուտէյզ Զաման» պարբերականին խմբագիրները «Թարաֆ»ի գլխաւոր խմբագիր Ահմետ Ալթանը ընտրած են իբրեւ «Թուտէյզ Զաման»ի Տարուան Մարդը: Ըստ թերթին, Ալթան կեդրոնական դեր ունեցած է Թուրքիոյ հանրապետութեան հիմնադրումէն ի վեր ամենամեծ բարեփոխումին մէջ:
Ալթան, որ քանի մը «Best seller»ներու հեղինակ է, իր սիւնակին մէջ ընթերցողները կը հիացնէ՝ օրուան քաղաքական հիմնախնդիրներու մեկնաբանութիւնները ներկայացնելով գեղարուեստական արձակի ձեւով: Սակայն սրութիւնն ու հիմնաւորուածութիւնը ունին նաեւ հետեւանքներ. ոմանք այնքա՛ն կ՛ատեն զինք, որ նոյնիսկ մահուան սպառնալիքներով եւ ատելութեան արտայայտութիւններով նամակներ կ՛ուղարկեն իրեն:
Ալթան յայտնի գրող եւ նախկին պատգամաւոր Չեթին Ալթանի որդին է: Չեթինը ժամանակին քաղաքական հայեացքներու համար նոյնիսկ բանտարկուած էր: Ըստ Ալթանի, հայրը իրենց սորվեցուցած է չդաւաճանել ստեղծագործելուն եւ գրածին մէջ ըլլալ ազնիւ ու անկեղծ:
2008ին, երբ Ահմետ Ալթան հրապարակեց Հայոց Ցեղասպանութեան զոհերու յիշատակին նուիրուած «Օ՜, իմ եղբայր» յօդուածը, անոր դէմ ներկայացուեցաւ «թրքական ինքնութիւնը վիրաւորելու» մեղադրանք՝ Թուրքիոյ քրէական օրէնսգիրքի 301 յօդուածին համաձայն:
«Պէտք է խելագար ըլլալ՝ նման բան ընելու համար», իր աշխատանքին մասին ըսած է Ալթանը, երբ 2009ին ստացած է «Շպարկասսէ Լէյպցիք» հիմնադրամի Զանգուածային լրատուամիջոցներու ազատութեան եւ ապագայի մրցանակը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ